السلام عليكم ورحمة الله وبركاته
قصيده وطنية بمناسبة مائة عام على توحيد المملكة
أول كلامي ذكر رب العالمين=ذكر الله البادي قبل مبدا الكلام
سبحانه الهادي معز الطايعين=ومذل من يعصاه وان زاد انتقام
رافع سموات تسر الناظرين=وأشرق سمانا وانجلى عنا الظلام
من بعدها تحية للحاضرين=تحية الإسلام للسامع سلام
بمناسبة خيراً نعمنا به سنين=من عهد أبو تركي سعدنا مائة عام
مؤسس الراية على حكمة ودين=وأعلن بحكم الشرع ما غيره نظام
وحد كيان الدولة وربه معين=وحنا جنودٍ الوطن يوم الزحام
جندٍ لبو تركي نرد الطامعين=يوم المطامع ننعرف حزب الإمام
والعزوة الغلبا مواقفنا تبين=يوم الفعايل والغنايم والقسام
سبعان لا رد البراء ملعايلين=نضد جمع المعتدي كسبه ندام
مجامعة أهل الفزعةٍ تصل بحين=نشفي غليل المستجير ولا يضام
مع كرمة نعرفبها ذبح السمين=وللضيف مثلوثة تقدمله لزام
والطيب بابه واسع للغانمين=في كل ديره حقها ناسٍ حشام
واليوم في عهد الفهد عهداً ثمين=عهد الرخاء والأمن والسنة تقام
مع نايبه راعي الوفاء ذرب اليمين=هداج تيماء بالكرم ساس الكرام
له حكمة وضد الخصيم ولا يلين=وللشعب رحمة مع مواقيفٍ جسام
وصلوا على المبعوث خير المرسلين=عد البشر وعداد من صلى وصام
الشاعر المرحوم: وقيان حاضر وقيان المجمعي السبيعي
الله يغفره مغفرتن واسعه
ولاهنت انت على النقل المميز
غير متصل
قصيده وطنية
