بسم الله الرحمن الرحيم
قصده وقصيده
في احد الايام حين هم الشاعر محمد بن محسن بن محبوب السبيعي قام الشاعر بالذهاب الى حمود بن ماجد السبيعي وطلب مرافقته الى منزل مبارك بن سالم البرقي لزيارته وقال القصيده في ابو سالم والقصيده تعبر عن نفسهاحيث قال:-
ياحمود لمبارك تولم وبنروح ** في مجلسه ياحمود نلقي رجاجيل
سير لبو سالم ترى الباب مفتوح ** ماصك مقهاته وشال المعاميل
أدلال صفرٍ وسطها الهيل يفوح ** بالزعفران وعود والثالث الهيل
كنه يسويها من الروح للروح ** وان صبها تشبك في بيض الفناجيل
ذوقه وسوقه وراعي الكيف مسموح ** وسوقه على يمناك على الرجاجيل
مجالسٍ تلقابه ضحوك ومزوح ** ذولا يروحون وذوالا مقابيل
تلقا الشحم عنده قعود ومذبوح ** وطليان من غيره يحطون ويشيل
ترى العشاء جاهز ومطروح ** ولا قاموا الاجناب نادي العماميل
رجال بيته للرجاجيل مفتوح ** كنه على سيف البحر فرضة النيل
الله يجيره كل ماجاه سموح ** شوق الهنوف اللي هدبها مظاليل
واعرف ترى ماجاك مكتوب في اللوح ** أمايجيك اليوم ولا طرف ليل
رجل يحب الطيب والطيب ممدوح ** يطلع ومطلاعه كما طلعت سهيل
عسى عمره طول عمر النبي نوح ** ولا جت وفاته في كتابه محاصيل
عسى محله مايجي فيه مشفوح **ولا قلط الخبلان ولا المهابيل
كل البراقا كل رجل وممدوح ** اهل الكرم والجود ذباحة الحيل
وفعولهم تذكر على وقت ابو نوح ** ومسجل التاريخ جيلٍ بعد جيل
ياحمود لمبارك تولم وبنروح** في مجلسه ياحمود نلقي رجاجيل
غير متصل
