تكفون يالغلبا

[تركي السبيعي]

اعزائي واحبابي اعضاء منتدى سبيع اهديكم هذه القصيده واتمنى ان تنال على استحسانكم واعجابكم
كما يشرفني ويسعدني تجاوبكم معها

ياهيه يامعنوق تلعات الأرقاب=ياللي شموخك مرتويله مهابه
شاعرك لامنه نوى سرق الألباب=عدى على الرجم الطويل ورقابه
شاعرك لاغنى فتحله مية باب=وقامت تعاوى وسط صدره ذيابه
لجلك قطف من واحة الشعر ماطاب=واهداك باقات القوافي كتابه
ومن غبت عن عاشقك ياسيد الأقراب=اقفى مع الترحال يشكي صوابه
اقفى يحث اركاب وينّوخ اركاب=يروح ويرجع في دروبٍ تشابه
اقفى يهد اخيام ويشدد اطناب=ماعاد تكفيه المدينه رحابه
اقفى يجر الصوت بسهول وهضاب=يصيح يزهمله من سبيع لابه
يصيح يالغلبا رفيعين الأنساب=قولو لخلي لايطول غيابه
وقولوله ان الحب مامات كذاب= في داخله يكبر ويكبر عذابه
وقولوله اني اشتقت لعيون واهداب=ولهان اقراء في عيونه اجابه
وقولوله ان الليل من بعد ماغاب=سوى بقلبي شي ماينحكابه
وقولوله ان البعد تصعيد وارهاب=فجر بجوفي كل عرق وأذابه
وقولوله من فرقاه حتى هل الراب=خلو معازفهم .. وجرو ربابه
وقولوله ان الكون صايربه اضراب=في ناظري اصبح مجرد خرابه
وقولوله يكفي هجر.. وبعاد .. وغياب=ويكفي غرابيل .. وهموم .. وكآبه
إن طاعكم كل القرابه والأصحاب=نذرٍ علي لروي ظماه بسحابه
وإن صد واقفى ولاتبرّق فالأسباب=لاوالله إلا كشرالوقت نابه
لاوالله إلا زوّد جروحي اعطاب=والعقل مني بالمفارق غدابه
بس علموه اني على عهد الأحباب=واني لموت ولاقطعت الرجابه
واني لخلي صورته بين الأهداب=يمكن بيوم اقراء بطيفه اجابه

تقبلوا فائق تقديري واحترامي
هيوستن 2004

[مروّض]

أخي الكريم...تركي السبيعي

قصيده رائعه...و عذبه

ان طاعكم كل القرابه و الأصحاب=نذر علي لأروي ظماه بسحابه
و ان صد و أقفى و لا تبرق فالأسباب=لا و الله الا كشر الوقت نابه

قصيده تستحق المجاراه...وينكم يا أهل قصيد الغزل...

الرجال ينخى لا تخلووونه...

[بحر الشوق]

صح لسانك





قصيدة رااااااااااااااااااااااااااااااااااااااااااااااااا ااااااااااائعه





من شاعر غني عن التعريف

[ابن جـــــــراح]

تركي السبيعي
قصيده رائعه رائعه رائعه
صح لسانك عليها وسلمت يمينك على ايرادها لنا
تقبل خالص تحياتي

[البدر]

لاهنت ياتركي السبيعي

قصيده رائعه رائعه رائعه

صح لساااااانك ملايييييييين

وسلمت يمينك على ايرادها لنا


اخوك البدر

[المزاح]

صح السانك اخي تركي السبيعي

وتسلم على القصيده الجزله وبيض الله وجهك

تقبل تحياتي

[السيف]

صح السانك مليون يا تركي

قصيدة جزله ومن شاعر جزل

بس علموه اني على عهـد الأحبـاب@@@@وانـي لمـوت ولاقطعـت الرجابـه
واني لخلي صورتـه بيـن الأهـداب@@@@يمكن بيـوم اقـراء بطيفـه اجابـه

لاهنت

اخوك السيف

[ولدالوجيرب]

تركي

تسلم يالذيب

قصيده رائعه


وابيات جزله

صح لسانك



وننتظر جديدك



لاهنت

[عيسى السبيعي]

	الأخ تركي السبيعي لجلك قطف من واحة الشعر ماطـاب = واهـداك باقـات القوافـي كتـابـه ماشاءالله تبارك الله قصيده في منتهى الروعه صححححححح لسانك ملالالالالالالالالالالالالالالالالالالالالالالالاي ييييييييين وننتظر منك الجديد تحياتي الواسطه

[طير حوران]

ماشاء الله قصيده في منتهى الروعه بيض الله وجهك

وننتظر الجديـــــــــد والرائع .... ؟؟؟