قصائد لشاعر مبارك البخيت السبيعي

[المـــعنــــــآ]

هذه القصيده مرسله لبن ربيعه يسلم عليه ومعه عتاب: سلام تـــسلـــيمة لـــها عـــدة أبـــواب وأبــوابــها دايــم حــصيـنه مـنيـعه
تـــسلـــيمة ٍ فـــيهــا تــحيّات وعــتاب عــنوانـها يـنصـاك يـا ابـن ربـيعـه
بــعاتــبك عــتاب أبــو زيــد لــذيــاب عـتاب حـشمـه فـي حـدود الشريعة
أبـطيـت مـا كـلمـت يـا ويش الأسباب لا عــلّ مــابـه شـي مـا تـستـطيـعه
قـطع الـرسـايـل شين ما بين الأحباب مــدري زعــل ولا مـبادي قـطيـعه
كــلّم عــلى الـجوال ولا أرسـل كـتاب ولاّ زيــارة مــنك لـو هـي سـريـعه
لـو غـابـت الأنـظار الـقلـب مـا غـاب لــك عـندنـا مـقدار حـشمـه رفـيعـه
لـك عـندنـا مـقدار يـضرب لـه حساب ولاّ تــرا الــدنــيا عــليــنا وســيعـه
نــقوم لــك لا جــيت مــقام بــإعـجاب والــلي يــسبّك عــندنـا مـا نـطيـعه
أقــولــها مــن صــدق مــانــيب لـعّاب ولا نــقبــل الـمذيـاع والـلي يـذيـعه
ومــبارك لــيا مــن لــقا الـطيّبة طـاب لـو كـان سـاكـن بـين سـنة وشـيعـه
ويـشجّعـك فـعله مع أصحاب وأجناب ولـه مـاقـف ٍ يـوم الـحرم والـوديعه
والــطيـب مـاهـو بـضعة ٍ عـند جلاب كـــل ٍ يـــبا يـــشريــه ولا يــبيــعه
مــا يــنكـسب فـعلـه بـتكـبـيـر الألـقاب الـطيـب يـبغى لـه مـواقـف شجيعه
والـطيـب بـالأفـعال مـاهـو بـالأنـساب والـمرجـلة والـطيـب تـوخـذ قـليعه
كــم واحــد ٍ يــبغــيه لــكنّ مــا صـاب لــكن يــصيـبه مـن خـذاهـا ذريـعه
والطيب وهبة ما يجي عنف وارهاب والطيب لأهل الطيب فعل وطبيعه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،، وذي قصيده في الضرس ووجعه وعزالله أنه صدق وصلاة ربــي عـدة حـروف الأحـزاب عــلى نــبي ٍ مــنزلــه بــالــطلـيعـه أنــا أشـهد أن الـشخـص لا جـاه هـاجـوس مــا يــستــريـح إلا بـراحة هـجوسـه
وانـا أشـهد ان الـضرس لا صـابه السوس مــالــه علاج ٍ كــود قــلعـه ودوسـه
وأنا أشهد ان الشخص لا صار مضروس يـتعـب لـيا صـكه لجج في ضروسه
تــلقــاه يــمشــي والــعرب عــنده جــلوس وكـل مـا جـلس مـا يستريح بجلوسه
وتــلقى مــزاجــه كــل الاوقـات مـعفـوس ولا زان جوه حطه الضرس حوسه
يــبغى يــزيـل الـضرس لـو كـان بـفلـوس ولـو هـو بـخيـل ٍ مـا يـزكـي فـلوسه
لا حـيث سـقم الـضرس بـالـحيـل منحوس ولا عـاد يـصلـح لا طـلع فيه سوسه
والـضرس وصـفه وصـف نـذل ٍ ودبوس كـــم واحــدٍ لا زان جــوه يــحوســه
وأنــا أشــهد ان الــكذب مــافــيه نــامـوس وان الــرخـامـه مـا وراهـا فـروسـه
والــمجــلس الــلي جـالـس ٍ فـيه جـاسـوس جـــنب مــجالــه بــعد الله رمــوســه
وطــرق الـنمـامـه عـذبـت روس ونـفوس وكــل ٍ تــشوفـه فـازع يـحد مـوسـه
والـطيـب يعرف ما يبي وصف وعسوس ولـو يـختـفي راعـيه تـطلع عسوسه أنشالله أعجبتكم وهاذا اللي قدرنا عليه وترقبو الجديد وأسمحونا على التقصير .....

[خالد الشماسي]

صح لسان شاعرنا الكبير مبارك بن فايز البخيت المحمدي السبيعي

شاعر كبير وهو من عمالقة شعر النظم والمحاورة

لاهنت يالمعنآ

[المـــعنــــــآ]

ولاتهون يالغالي

[تشرشل]

الله يعطيك العافية أخوي والبخيت لو لم يقل إلل قصيدته خلقت في الدنيا وانا مامعي شي لكفاهـ وها هي منقولة من موقع النداوي

[الدفاع الجوي]

الله يعطيك العافية أخوي والبخيت لو لم يقل إلل قصيدته خلقت في الدنيا وانا مامعي شي لكفاهـ وها هي منقولة من موقع النداوي

[جزل الكلام]

شكرا على نقلك هذة القصيدة الرائعة بس اتمنى لو وفقت في تنسيق القصيدة بالشكل المميز

[al-sary]

صح لسانك والله يا مبارك
مشكوووووور والله يعطيك الف عافيه

[الدفاع الجوي]

صح لسان شاعرنا الكبير مبارك بن فايز البخيت المحمدي السبيعي

شاعر كبير وهو من عمالقة شعر النظم والمحاورة

لاهنت يالمعنآ

[الدفاع الجوي]

صح لسانك والله يا مبارك
مشكوووووور والله يعطيك الف عافيه

[راجح بن نجاء]

صح السان الشاعر الكبير مبارك البخيت ولله يعطيك العافيه على النقل