ملايين البنك ( قصيدة )

[ابن مشعب]

يالعبـد لوتملـك ملاييـن بالبنـك

ماتنفعـك مـادمـت لله عـاصـي

تدري وش اللي يجلب الهم والضنك

ان كان ماتدري تـراه المعاصـي

وان كان داري كبها يا فتى عنـك

من قبل يوم به تشيـب النواصـي

ترى بـلاك وعلتـك كلهـا منـك

بس اسأل المعبود منها الخلاصـي

و ارجع قبل في باطن الأرض ندفنك

ما ينفعك لامـت دانـي وقاصـي

لاضامـنٍ حـي ولاحـي ظامنـك

مال البشر عن ما يقـدر مناصـي

واحذر تصير النار دارك ومسكنـك

اللي حرارتهـا تذيـب الرصاصـي

وممشاك مع رجلٍ عزيـزٍ يثمنـك

ينفعك لا جاء فالسنيـن اختباصـي

في واجبك يمشي ولاهـو بهاينـك

يكمل مطاليبـك الياجيـت ناصـي

يعجبك لاحطيت مثله علـى ايمنـك

قرم يحـل المعظـلات العواصـي

[ابن مشعب]

نسيت اقول لكم ان الابيات منقووووووووولة

اخاف تتهموني بالسرقة


الي يعرف صاحبها يقول لنا اسمه