آلاد صنـــــــدل !!

[عايش ابوليل]

أساتذتي الاعضاء والزوار ..

متواضعه جدا آمل قبولها ..

قـم يانديبـي واشقـر البـن زلـه=من دلـةٍ فـوح عرقهـا المنـاره
اسكب لنا فنجال في الـرآس علـه=له مـدةٍ يشكـي علـى احتضـاره
وقرب لـي الديـوان شعـرٍٍ بهـله=شعرٍيخلـد فـي سجـل الحضـاره
لاسترسـل المعنـى ترانـي بهلـه=مير انتبه واكتـب بفـن ومهـاره
ماطاب لي حظـي مـع الوقـت لله=في كل عـامٍ زايـد فـي انثبـاره
ياكم من خـلٍ نسـى اليـوم خلـه=وياكم مـن ميـتٍ حفظنـا وقـاره
وياكـم مـن سيـفٍ يمينـه تسلـه=وياكم من سيفٍ نسينـا انتصـاره
بعض العرب يشفيك قولـه وفعلـه=يشيـل حمـلٍ ماتشيلـه عـمـاره
حكيـم قـومٍ كلمـتـة مستـدلـه=ريفٍ على الملتاع يرخـي ستـاره
قليـل شكلـه لانـطـق ماتمـلـه=كريـم سبلاًمايحسـب الخـسـاره
يظل بعض الناس في خيـر ظلـه=يستوحشه ربعه وضيفـه وجـاره
هذا اللذي فرقاه فـي القلـب علـه=لامانسيتـه دائمـا فـي انـظـاره
وبعض العرب يرتاع من شوف ظله=ضعيـف نفـسٍ مايقـدي مسـاره
لاشفت انا شكلـه تقـل فيـه خلـه=يدرج مع العربـان كنـه حمـاره
كلمـه تعقدبـه وكلـمـه تحـلـه=يتبع سفاف الهرج في كـل حـاره
عنـد اللـزوم اليابغيـنـاه دلــه=يعيب عار الناس ماشـاف عـاره
يتـوه فـي ممشـاه منهـو يدلـه=خطرٍيضيـع القايلـه مـن نهـاره
يجهـز زمانـه مايعـرف الاهلـه=فرقـاه عيـد وجيـتـه .....
شيءٍ يحـرّم بـه وشـيءٍ يحلـه=لـه ملـةٍ يجهـل جهلـهـاوزاره
والـي تكبـر خلـه اليـوم خـلـه=-لاناشدٍعنـه ولا آبـي اعـتـذاره
واللـي تواضـع قلـه اليـوم قلـه=الطيـب الوافـي نزيـد اعتبـاره
شـل القصيداللـي كتبنـاه شـلـه=هذا حكـم عايـش وهـذا قـراره
قلتـه وانـا مــن لابةٍمستهـلـه=اقصى علاويهـم الابـرق وكـاره
آلال عامرمجمـدهـم ماوصـلـه=ياكودقـوم مدهـم فـيـه تــاره
انااقـول الـحـق والشـاهـد الله=من لابـةٍ يقـدح نظرهـم شـراره
سبعـان فـي يـوم الملاقـا معلـه=قبيلهـم كسـره صعيـبٍ جبـاره
قلته وقولـي وازنـه فـي محلـه=واشره على اللي مايحـرك مـداره
فمافيـه عزٍكـود تالـيـه ذلــه=ولابـه كبيرٍمـايـذوق الـمـراره
الا الله المعبـود سبـحـان جـلـه=هـو الكبيـر اللـي عزيـزٍبـداره
له ملـةٍ تشـرع بهـا كـل ملـه=هو درعناعن كـل شـر وغـاره
تـمـت وصلواعـدوبـلٍ تهـلـه=سحابـةٍ غـراء مطرهـا همـاره
على النبي المصطفـى خيـر خلـه=حـرٍ حمـى دينـه وزاد انتشـاره

.

[منصور الحري]

والله ومليون نعم بالاد صندل كلهم

وصح الله لسانك ياعايش

تحياتي لك

[ابو صيتة]

صح لسانك يا عايش ابو ليل


قصيدة طيبة


وبما أنك ذكرت بأنها متواضعة


فلن نبدي أي ملاحظات على القصيدة

[الحميدي السويدي]

كفو كفو يالاد صندل والله وسبعين نعم
الاخ الغااالي عايش ابو ليل صح لسانك
وسلمت يمناااك وبيض الله وجهك على
هذه الابيات التي تعانق السحاب,,,,

[ابن عبيدان]

آلال عامرمجمـدهـم ماوصـلـه

اخي عايش ابو ليل قصيدة ممتازة في معانيها وفي سياقها ولاكن لي ملاحظة بسيطة في البيت الموضح اعلاة مع العلم انة غير مطابق للعنوان وعلى العموم كفوا بالصنادلة وكفوا بالاد عامر وعسى الله يعزهم ولا يفرق جمعهم

استهاد ببيت من قصيد الشاعر الكبير جبار ابن مطيحن

ابني ابيوتي وافتخر بالنواميس= بالاد صندل كاسبين الناموسي

تقبل تحياتي

[ماضي المديري]

الشاعر عايش ابو ليل

بيض الله وجهك على القصيده الجزله

ولإ هي غريبه منك الجزاااااله قصيده رااااائعه في معانيها

ويستاهلون كفو كفو يالاد صندل والله وسبعين نعم

تقبل تحياتي وتقديري

[خالد الشماسي]

صح لسانك ملايين أخي عايش



قصيدة رائعة وألف نعم بالصنادله



تحياتي لك

[فـــالح السبيعي]

الرااائع

عايش أبوليل

صح لساااانك وإعتلا شانك

رااائعه ياعايش ومليون نعم بالصنادله

لك تقديري

[ابن مطيحن]

الاخ عايش سلمت يمنا ك والقصيده طيبه وانت اطيب


«®°·.¸.•°°·.¸¸.•°°·.¸.•°®»الاخوان المطلعين علا القصيده نقول ماعليكم زود وبيض الله وجيهكم «®°·.¸.•°°·.¸¸.•°°·.¸.•°®»

[عايش ابوليل]

المشاركة الأصلية كتبت بواسطة عايش ابوليل

انااقـول الـحـق والشـاهـد الله=من لابـةٍ يقـدح نظرهـم شـراره
الاد صندل فـي الملاقـا معلـه=قبيلهـم كسـره صعيـبٍ جبـاره

.

اعتذر اخواني الكرام عن الخطاء الوارد في القصيده من البيت الثاني الشطر الاول

الاصح أنهاآلاد صندل والوارد في القصيده (سبعان) والخطاء وارد من النقــل..