والشاعر اللي يعجبه كثر أجاره = مايدري إن سمعته قد نكبها

[مبارك البخيت]

نويت أجنب عن مجال الشعاره = وأكبها وأكب كثرة نشبها
من يوم صار الشعر لأجل التجاره = وكل(ن) يدوّر شهرة(ن) ويكتسبها
وإلا يدوّر به قصور وعماره = وكل(ن) يفوز بصفقته ويحجبها
والشاعر اللي يعجبه كثر أجاره = مايدري إن سمعته قد نكبها
والمرجله بالشعر ماهي شطاره = ترا القصيده سعرها في طلبها
المرجله ممشى الشرف والطهاره = وسنة نبي الله للي قضبها
صارت معاني الشعر مثل الخباره = فيها عقارب قرصها في ذنبها
والشعر في معناه حكمه وأماره = نار(ن) تشاهد فعلها في حطبها
ماني مكلف في عميق الجحاره = بصد عنها وأبتعد عن سببها
منول(ن) الشعر فيه أفتخاره = كلمه عجيبه يفتخر في عجبها
واليوم صار الشعر فيه إنحداره = مثل العجوز اللي تقارع عصبها
مثل السفير اللي بليا سفاره = يغضب ونفسه مايحسب غضبها
هرج(ن) يجَّمع مايجي له نعاره = يشبه ذلول(ن) كل واحد ركبها
يوم إن نظم الشعر كسبه مهاره = ناس(ن) تغلّب فيه وناس يغلبها
يشبه لجو(ن) يعجبك في خضاره = النفس تطرب له ويكثر طربها
مثل الذهب دايم رفيع(ن) عياره = في سوق تجار(ن) تلمّع ذهبها
والشعر له مقدار يرفع وقاره = عند الرجال اللي رفيع(ن) نسبها
واليوم أشوف الشعر مهيون كاره = كنه مسوح(ن) كل واحد حلبها
سوي عليه هجوم في عقر داره = شجرة عنب كل(ن) لقط من عنبها
والنار مبداها بقدحة شراره = واللي يقرّبّها يصيبه لهبها
نويت أكبّه وأنتخي عن مساره = وبعض العلوم أكبّها وأجّتنبها
العبد عبدالله ورهن الأشاره = وناس(ن) تعاتبني تثبت عتبها
مانيب ساكن بيت مابه أناره = أعرف معاني هرجتي وأحتسبها
أمشي يمين الدرب وأترك يساره = وقصيدتي أقولها ما أكتسبها
وانا سعيت وطفت ماني صراره = والملعبه لازرتها با خطبها
حجيت مكه والمدينه زياره = يوم أن بعض الناس مزاره أبها
والرجل ملزم في خويّه وجاره = لازم يلبي طلبته لاطلبها
أترك ضعيف الهرج وآخذ خياره = وكل(ن) يثبت خيمته لانصبها
مارحت أدور فيه ربح وخساره = وكل(ن) يصون بضاعته لاجلبها
والمسجد الأقصى على الناس عار= المسلمين اللي تفرق شعبها

الشاعر : مبارك بن فايز البخيت السبيعي

ملاحظه : ارجوا ممن يعاتبي على هذه القصيده أن يثبت لي أن فيها كلام غير صحيح

[خالد الشماسي]

صح لسااااااااااانك ميلايين يا أبو فايز



قصيدة جزلة ولا هنت



وننتظر بقية الديوان

[برق الشمال]

يا مبارك صح لسانك والقصيده جزله

[الليث]

لسااااااااااانك ميلايين يا أبو فايز



قصيدة جزلة ولا هنت



وننتظر بقية الديوان

[منصور الحري]

صح لسانك

وعلى شانك

ماقصرت يابو فايز

[فـــالح السبيعي]

كــــــــــــــــــــلام كبيـــر كبيـــر
من
شــــــــــــــــــاعر كبيــر كبيـــر
والكبيــر الله سبحاانه وتعالى

ولكن الكلام والشعر مع مبارك البخيت

غيـــــــــــــــــر

صح لسااااانك ياشاااعر ياكبير

[مبارك البخيت]

الأخوان جميع صح الله ابدانكم ولاخلا ولاعدم على هالمرور
الطيب والكلام الكبير شاكر لكم هالمشاعر الطيبه واللي اعتز فيها
وهي بمثابة وسام يشرفني شرف الله مقداركم جميع .
لاهنتوا وبيّض الله وجيهكم على تشريفكم متصفحي المتواضع .
اخوكم مبارك بن فايز البخيت

[ابن مطيحن]

والمسجد الأقصى على الناس عار
المسلمـيـن الـلـي تـفــرق شعـبـهـا



صح السانك قصيده طيبه وراعيها اطيب


تحياتي لاهل الحجره كلهم وتقديري

[قائد الطائره]

يا مبارك صح لسانك والقصيده جزله

[ماضي المديري]

صح للسانك يابو فائز

قصيده جميله

فعلاً صدقت يابو بندر

الكلام والشعر مع مبارك البخيت

غيـــــــــــــــــر