منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيـدة بمناسبة فوز حشر مسند ومجـري في مزاين الظفرهـ 1430 هـ
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قصيـدة بمناسبة فوز حشر مسند ومجـري في مزاين الظفرهـ 1430 هـ
كُتب : [ 10 - 04 - 2009 ]
السلام وذكر ربي خير هادي
ياسلام الله سلام" في قصيده
يابنات الفكر يالول الجدادي
يالدرر ياللي مطالعيك فريده
اعسفي المعنى عسيف ام الشدادي
وطوعي الفكره لوفكره عنيده
وروحيبي بين جهدي واجتهادي
وترجميلي كل معنى منك اريده
يارياجيل المعارف والمبادي
لو سمحتو بامدح اليمنى المجيده
ودي امدحلي علم قوم وريادي
عيلمن مورود مايقطع مديده
ذا حشر مسند عمى عين المعادي
أخطل" مامد باليمنى الزهيده
الكرم موجود والعامل يانادي
كل من حول عليه يدسم ايده
ينتقي ندر مجاهيم"سوادي
فالمزاين كنها لبل الوحيده
تسلب الالباب وعقول العبادي
ويعتذر عن وصفها راع النشيده
ياجماعه زينه ماهو ب عادي
شي من ضرب الخيال ولا نجيده
وان رجعنا لتحدي والعنادي
التحدي عند ابو سلمان عيده
يقبل بصملة شجيع"في جهادي
مايعرف الخوف ابو قلب" حديده
همه اسم الابه يخلد قيادي
ولاحسب للي بيخسر من رصيده
لايكل ولا يمل ولا يهادي
ولايخاف الأ من مدبر عبيده
راح يم اهل الامارات الشدادي
ويتحداهم لو اليمنى وحيده
قال همي ترتفع راية بلادي
باسم ابو متعب وابوخالد عضيده
اعلن التلفاز وتذيع الروادي
فاز ابو مسند فالاخبار الاكيده
جاب الاول حق والثاني وكادي
تشهد العقال والاريا السديده
يعرفون ان مالها غيرها مرادي
وطيروهامنه والدعوى مكيده
ولا تغاربنا يفوز الفوز عادي
قد فعلها عندنا امرار" عديده
وشارك مجري معه والنور بادي
اشهد ان امه تضنت في وليده
وحقق الثالث لنا والكل اشادي
واستلمهاواكتبوها في الجريده
وعاشوا ال سعود حكام البلادي
وعاش ابو مسند عسى ايامه مديده
والسلام ختام ماحب التمادي
لا اله الالله مدبر عبيده
رد: قصيـدة بمناسبة فوز حشر مسند ومجـري في مزاين الظفرهـ 1430 هـ
كُتب : [ 24 - 04 - 2009 ]
صح لسان الشاعر/غانم بن نوار السبيعي وحشر بن مسند ومجري بن مسند يستاهلون النوماس يكفي انهم رفعو روسهم وروس قبيلتهم وأنا أشكر الشاعر غانم على هذه القصيده الجميلة و الاكثر من رائعه
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
غير متصل
