تكفـــــــون ياربعــــــي

[خالد بن عياش]

ألقيت هذه القصيده في اجتماع أعضاء اللجنه الاعلاميه لمزاين ابل قبيلة سبيع
في استراحة رئيس اللجنة الاعلامية / عساف الحضبي

سلام ياربعٍ دهاه وقواطيع=تجمعوا في محفلٍ عند عساف
بحكم اختياره ريس اعلام ويذيع=وفيه الحميا وفالمواقيف ينشاف
رجلٍ ثقه ويطوع الصعب تطويع=يستاهل المنصب ويستاهل القاف
وياربعنا ياهل السيوف البواتيع=يالي لكم في قمة المجد مشراف
سبيع ياستر البني المفاريع=ياهل الرماح العلط وسيوفٍ ارهاف
حنا هل البل والغروس المهانيع=متيهين الجار للخيل عسًاف
اليوم يومٍ فيه تشمير اذاريع=وقفة رِجل ويبغاله اقلوبٍ انضاف
يبغاله ارجالٍ ازحول وفوازيع=نبا انتكاتف مانبا ارباع ونصاف
( ان افترقنا كل منا عطا ريع=وان اجتمعنا راحت اثقالها اخفاف )
نبا انتشاور في جميع المواضيع=في دقها وفي جلها ولانبي اخلاف
والراي لو ينلاذ ويصد ويضيع=حنا للارياء وللشاوير عراف
ياربعنا نحتاج موقف وتشجيع=الراس لو ينشل تنشل الاطراف
( تكفون ياربعي ) نبي ماقف سبيع=اليوم يومٍ فيه نحتاج ميقاف

[مسعود الحويزي]

صح لسسسسسسسسسسسسانك

.


.

[فـــالح السبيعي]

المشاركة الأصلية كتبت بواسطة خالد بن عياش

حنا هل البل والغروس المهانيع=متيهين الجار للخيل عسًاف

صح لسااانك يابوفيصل

لك خالص تقديري وأحترامي

[منصور الحري]

صح لسانك ولاهنت يالقرم

[غالب النجراني]

الله يبيض وجهك على هالقصيده وماهي غريبه عليك يابو فيصل وسبيع انشاء الله بترفع الراس

[شحيفان بن ملفي]

صح لسانك اخوي والله قصيده جزله وجميله وتقبل خالص التقدير

أخوك/شحيفان ابن ملفي العريني السبيعي

[أبو يزيد]

صح لسانك

ياخالد

رائعـــــــــه وسبيع من هقوتك وأطيب

عشت يابعدي,,,,,

[ماضي المديري]

صح لسانك يابن عياش
عادتك الجزاله
وسبيع ان شاء الله انها على قلباً واحد
تقبل تحياتي

[راشد التوم]

ان افترقنا كل منـا عطـا ريـع=وان اجتمعنا راحت اثقالها اخفاف

]صح السان ياخالد ملالالالاين

[/align][/size]

[ابو صيتة]

صح لسان الشاعر خالد بن عياش على هذه القصيدة ولا يستغرب علية دائما سبك المعاني ولقد أحسن الإختيار كما أحسنه من عينه مساعد رئيس اللجنة الإعلامية لمزاين أبل قبيلة سبيع لأنة كفؤا لهذا المنصب وأرجو من اللة أن يوفق القائمين علية ..........................