قصيدة الشاعر مسلط بن عبدالله الجهمي السبيعي في سعد بن ناصر بن فريج السبيعي

[أبـــو ســعــود]

ياأهل الجيوب اللـــي تبون المعازيب = عان العشـــــا مابين ضبع ويعومــــــــــات
تلقون بيتٍ مدهلن للمذاريب = ماهوب مدهاـــلن لشرابــــة القـــات
بيتٍ ثبت بنيه على العـــــز والطيب = ذكره طلع في الصحف هي والمـــــجلات
مشيـــــدن في شــف هــزع العراقيـب = يضوي على قطره عشــــاير وخلفــــــات
ماكنه إلا مــــن بيـــــوت المنـــــاصيب = اللي لهم في الطيب صولـــــه وجـــولات
إليا وصلتوا وقفــــــو يـــاهـــل الجيــب = الــطيب يــــــدرج والــــــتراحيب عجــلات
بريــــتن تبعـــــد عمــاس الشــــواريــب = جلابهــــا يعطــــــي عليهـــا ضمـــانات
ماهـــــا قراحـــن من عـــــذي المشاريب = وبهارهــــا مـــــن الهنـــد والا الــــولايـــات
وسوالفن يطرب لها البــــال ويطيــب = احلــــى من بكار العســـــل والحــــــلاوات
يصبهـــا صب الــــذهب في القـــــواليب = ويازن كــــلامــــه مثـــل نقــد الريـــالات
وحيلن تعلق في الخشب بالعــراقيـــب = يثــعــــى شحمهــا للوجيـــه الطلــيقــــات
في بيت مــــن يثنــــي لكم بالتــراحيب = لاكن نــــاصـــــر قــــدمكم حــي مـا مات
هذا سعـــــد مـــــــافيه شـــكــن ٍولاريب = غنـي عــــن التعـــــريـــف راع الجمالات
سعد سعدنا لا عوى الــــذيب للــذيـب = إهــــديب شيــــــال الحمــــــول الثقيــــلات
متسلسلن من روس ربــعن معـــاطيب = مثل الطويل اللـي مراقيـــــه عســــــــرات
بني اعمر يـــــوم الليـــــال الشـــلاهيب = خيالهم ياخذ علــــى الخيــــل كــــــــدات
وديارهم مــــاــجـــوستهـــــا الاجــــانيب = من دونها حــد السيــــوف الـــــرهيفـــــــات
يرسي بهـــم غرسن عذوقـــــــه مكاثيب = يرسي علــــى غـــــــم الكبــــــود المغــلا ت
غرس الغريف اللــــــي جريده مهاديب = ماهزته كثر الــــــحــرايب والاصــــــــوات
وهيضت من صدري هجوس وهناديب = سوالفن جـــزلـــــه ولاهـــــــيب هــــزلات
أرفـع علمهــا فـــــوق روس المـراقــيب = من خوفتي يلقـــــــى عليهــــا إنتقـــــادات
وأقفـــــل طريق مدوريــــن الـــعــــذاريب = اللي على الغـــافـــل يشنـــــــون هجمــــات
تجملـــــو يـــــامـــوصلــين المكـاتيــب = ياللي لكم في مــــركـــز الطيب عـــادات
ردو ســــلامــــــي عـــد ذار الـــهبــاهيــب = وعداد من يسجــــد لخمــــس الصلــوات
سلامن أحلى من لـــــبن شمـخ النيــــب = يمشي بها المصــــلاح في كـــــل قفـرات
ام الحويـــر فيـــــــه ترعـــــى النبـانــــيب = زملــــــــوق نبتــــــه فيــه لـــذود لـذات
متخالطــــن نبته وطيــبن علــــى طيب = تلقى أم سالم فيــه تكسر بــــالاصـــلـــوات
هذا سلامــــــي صـــــوب راع المــــواجيب = ومـــــعطرن بالـــــورد وأزكـــى التحيــات
وصلو عـدد ماتطلع الشمـــس وتغيـــب = علــى الرســول اللـــي ومــر بـــالــــــرســالات

[سفير الجهوم]

[

	CENTER]السلام عليكم ورحمة الله وبركاته[/CENTER] صح لسان الشاعر مسلط عبدالله الجهمي السبيعي و بيض الله وجهك يابو سعود على جهودك الرائعة

[أبـــو ســعــود]

أشكرك ياسفير الجهوم على المشاركه وأنتم يالجهوم ربعنا وأخوانا ولاهي غريبه عليكم الطيب وبيض الله وجهك وإنشاء الله إنك سفير قبيلتك في منتدى سبيع وأنا نمثل ربعنا سبيع في هذه المنتديات وفق الله الجميع ورجو منك مشاركه ياسفير ربعك