الربيــــــــــــع والابــــــــــــــل والعــــــــــــلوم الزينـــــــــــــــــه

[المولع]

هذي القصيده للشاعر /

سلطــــــــــــــــــان بن عبداللــــــــــــــــه السبيـــــــــــــــــعي

قالها في4/12/1424هـ وهم حايلين من الوديان لنجد بالابل:

	انا اول كلامي بذكر الواحد القهار=يغفر الذنوب اللي عليه مقربها عليم(ن)حليم(ن)عاقب الليل والنهار=ينشي المطر بأمره تسوقه هبايبها اقوله وانا في خاطري نيه ومشوار=مع الابل بامشيها وبذكر عجايبها يازينها لاصدرت تطرد الاقفار=مع طروق نفد(ن)مقدم الوسم صايبها كستها الغريرا مثل ريح بهار=وريح الخزامى ذاعر(ن)في شعايبها يجيها المطر بالليل ويصحي مع النهار=على شان نبت الربل يكسي ترايبها على شان ذيدان(ن)لها سمعة(ن)وخيار=ودايم تسج الطيب طبعة مدربها مجاهيم ورقات النظر والجروم كبار=وهزع الفقار اللي طوال(ن)غواربها ولا جا المزاين دايم(ن)تاخذ الفكسار=عراض الخشوم اللي تعاكف مشاربها بنات الفحول اللي لها سمعه ومقدار=فحول الحضانا دايم(ن)ماتقربها ولاقيل بالفردي ظهر جملة(ن)مشكار=عراض الفقار اللي كبار(ن)ترايبها تحدا وترفع راسها تلعب المزمار=سوات الطموح اللي تحدا صحايبها طوال سناد لانظرها النظر يحتار=ولافيه من العذروب شي(ن)يعذربها كما حمة الشمروخ لا دبرت الامطار=صفت من الخيل اللي يملي مواهبها عليها الكيامر ثبتوها هل الافكار=ظهر في الجرايد وصفها مع مكاسبها ولا جت وصوف العفر ناصف ولا نحتار=كبار الظهور اللي عراض(ن)معالبها ولا جا التحدي في المواريد والمصدار=حقيقة هجيج العفر ماحد(ن)يقربها صفيف(ن) على القعده كما عسكر الغدار=مشاة(ن)شعفها العاز يدجر مدربها صفا لونها عقب المطر عزوة الاخيار=سوات النصوب الشامخه في سحايبها اوصي صقور البدو لاتضرب الهدار=خبيث النسول اللي يعوق مناسبها ولاربعو في نجد واقفو مع المخضار=بنات الفحول تجيك تزها جنايبها يجونك يبون الصيف من خشرم(ن)ويسار=وشرق(ن)ليا وادي الدواسر نسجبها وعسى الله يعز ملوكنا اهل الكرم والكار=اهل كلمة التوحيد كلمه نفوز بها وندحر به الكافر وندحر به الفجار=مع الصمله اللي كل الاعداء تحسبها حكومه سعوديه ليا كشفت الاسرار=وكل الجزيره تنتسب من مناسبها حكومه سعوديه ولا زعلو الكفار=مع قدرة الله ماتزعزع مناصبها سعودية(ن)مهبط وحي منبع الابرار=بعيد(ن) عن المسرح نظاف(ن)مكاتبها سعودية(ن)ماصار في حكمها استعمار=وترسي على حكم الشريعه مطالبها سعودية(ن) مادنسوها هل الاشرار=عفيفه نظيفه كلها من جوانبها مع دبرت اللي دبر الكهف واهل الغار=تعيش السعوديه ويسقط محاربها وصلاتي على اللي وزع الدين باستمرار=مشت دعوته من شرقها لا مغاربها

عساها تعجبكم

[العويد]

	ياسلام عليك يالمولع,,,,,,,, مااتجيب الا الجزل,,,,,,, واكيد بتعجبناا دامها منك,,,,,,,,, صح لساان ابو عبدالله ,,,,,,,, ولاهنت يالقرم,,,,,,,, اخوك,,,,,,,,, العويد,,,,,,

[اخو شما]

	صح لسان الشاعر وتسلم يالذيب على نقلها لاعدمناك ياكحيلاااااااان

[البدر]

لاهنت يالمولع


اختيار موفق وقصيدة جزلة سلمت يمناك التي نقلتها لنا وصح لسان قائلها ملاييييييييييييين .


اخوك البدر

[نديم القوافي]

تحـدا وترفـع راسهـا تلـعـب المـزمـار= سـوات الطمـوح اللـي تحـدا صحايبـهـا
طـوال سنـاد لانظرهـا النـظـر يحـتـار= ولافيـه مـن الـعـذروب شي(ن)يعذربـهـا

خوي العزيز المولع بيض الله وجهك



تحياتي

[الصييفي]

صح لسانك أخووووي المولع
وصح لسان الشاعرسلطاان




أخوك$الصييفي

[المزاح]

بيض الله وجهك يالمولع على الاختيار الرائع وصح لسان شاعرها والله لايهينك .....

تحيااااااتي

[المولع]

العويد
اخو شما
البـــدر
نديم القوافي
الصييفي
المزاح

هلابكم جميع

ولاهنتو على مروركم اللي اسعدني
وزاد المشاركه نور


ولكم تحياتي

[أبو هلا]

صــــــــــــــح لٍٍٍٍســـــــــــــــان قايلها و ناقلها تحياتى للجميــــــــــــــــــــع

[ابن شطيط]

صح لسان الشاعر ابو عبد الله

ولاهنت يالمولع على نقلها لنا


وبيض الله وجهك

تحياتي لك