بـــــــــــــــــسـم الله الرحمـن الرحيــــــــــــــــــــــم
::
::
::
الســــلام عليكم ورحمـة الله وبركاتـــــه
::
::
::
أمّــا بعـــد :
اهدي لكم هذا البحـث المختصـر عن علاقة سبـيع في الصمّـان ( ديارها ووقت نزولها )
واتمنّى من الأخوه الأعضاء ان يظيفـو ما يعرفونه حول هذا الموضوع
----------------------------------------
--------------------------------
-------------------------
--------------------
-------------
-
كما نعرف تمـــتلك قبـيلة سبـيع دياراً كثيـره في الـصمّـان ولعل ابرزهـا ..( الشملـول وجو ساقـان و العيطـليّـه ومعقلا والتـريـبي وحجلان وبرابك وحومـة النقيان والمهمري وشوية وغيرها ..)
وبعض هذي الديار كانو مقيمين فيها قبل 300 او 400 سنـه حيث جرا فيها حروب بينهم وبين ملك الأحساء قبل عدّة قرون كما جاء ذلك في الكتب التاريخية وبعضها استوطنوها بعد السبّـيه ، وتعد من افضل المراعي لـلأبل من حيث جمال الأرض وخصوبتهـا
وهذي مـقـتـطـفـات قـيلـت فـي الـصمّـان من شعراء سـبـيـع و من شعراء القبايل الأخرى يـحدّدون ديار سبيع فيهـا ولعل القصايد تشرح الكثيـر وتحدّده افضل من الكلام المطوّل ..
* قـصـيـدة الشيـخ والفارس ../ لـيـل الـمـتلقّـم من شيـوخ العجمـان ، فـي الشيخ وبـدان ابـوثـنـيـن عندمـا كان جاراً لقيـلة سبـيع يقول ..
مـجـنـون يـا مـشـفـي على دار وبـدان = ذي ديرةً من جا يـبـيـها طردناه
مـــا حد خشم العان لا جو ساقان = دارن لـسرفات المعاشير مشهاه
ومــــن البــرابــك للــتريـبي و حجـلان = يــازيــن ذاك القاع لازان مرعاه
دار لـــبني عــمــر ذربـيـــن الايـــمان = ومنجا يـبـيـهـم يبغي الشر يلقاه
*الشيخ والفارس../ بطي ابن منيخــر ، شيخ قبـيلة السفران من العجمـان قال هذي القصيده في الجمالين من سبـيع يقول :
سربة جماليـنً طليقيـن الأفعـال = وفعولهم سـرجً عليهـا مضيحـه
خيالهم لامن ركـض مارجـع ذال = والكـل منهـم مايـداوى طريحـه
(( يرعون من ساقان لا رجم بـذال )) = واللى يبيهم مـاادرك الا القبيحـه
* قـصيـدة الشاعـر /غـازي ابـن دخـيـل اللـه ابـن عـون العتيـبي في قبـيلة سبـيع ، وهي طويلة ومنهـا هذي البيوت التي تخص الموضوع يقول ..
محوالهم مابين خــنزير وذقان = حطوا سدير يسـار والعــــارض يـمين
وفاضوا على دار عذيه وجيان = وغزوا عمود البــــــيت بين الحفيفين
مابين مطران وخوالد وعجمان = استوطنوها غصب ماهم بـراضين
لولا فعل خضر النمش وادهم الزان = ان كان فيها ماســـتـقروا زمانين
اخذوا لهم دار ماهلها برديــان = لكن جا الشجعان ربع شــجيعين
خذوا من (( العارض إلى جو ساقان )) = والحاير ألهم فيه غرس وبسـاتين
* وهذي قـصيـده لشاعر عجمي من السفران يمتدح في قصيدته الجماليـن من سبـيع ..
خيالة العشوى على الخيل فرسان = ترعى بهم وضح(ن) زهتها السفيفه
ترعى (جنـيّح) (والغبايا) (وساقان) = وترعى من (المشلوف) لقصى (الحـتـيـفه)
-----------------------------------------
----------------------------------
ماذكرته من قصايد قبل قلـيل هي لشعراء ليسُ من قبـيلة سبـيع والآن سوف اذكر ما قالوه شعراء وفرسان سبـيع انفسهم عن الصمّـان .
*قـصيـدة الـشيخ والـفارس / عـجـران ابـن شـرفـي ، شيخ العـلـي من سبـيع وهي قصيده طويله ولاكن نذكر ما يخص الموضوع يقول :
وحدر على (الصمان ) للبرق رفراف = لابكر الوسمي على مستعدّه
ياماحلا عشبه على القفر لازاف = وجني الزبيدي في عذا كل خدّه
دارن لنا فيها مقيظ ومصياف = ومشـتاً ومرباعً وكلً نـــضـدّه
دارن وليناها بضربً بـالاسياف = يومن كلن حاميً ورث جدّه
إلى باقي القصيده
منها العتيبي نرفعه فوق قطّاف والدوسري عنها جنوب نحدّه
وراكان عنهـا نقلعـــــه يم الاسياف = والا المطيري عارفً راس حدّه
لا جا نهارً فيه زوغات الاسلاف = ثم كل بدً قام يظهر لــبـدّه
لي لابةً ركبو على كل مزغاف = وتحيزمو من فوقهن بالاعدّه
يا جاهلن في لابتي منت عرّاف = حريـبـهم يمسي وكبده مضدّه
كم شيخ قومن لا نوا الله له اتلاف = من ضرب ربعي ياكل الرمل خدّه
.......................
* ابـيات من قصيده طويله للفارس ../ درعـان ابـو ثـنـيـن :
وحـدّر عـلى الـصمّان لــمّـة مـظـاهـير = يــوم ان كــلـن هـايـبـن ما نحرهــــا
ونــادى الــمشـــرف فـــي طويل العثامير = والـــنـــار فــي راس الـطـويـلـه فقرها
تـغـاوزنّـــه جــل ذود مــغــاتـــــــيـر = نــتــبــع هــواهــا والـصـبـــي ماثبرها
نـرعى بـهـــا (الـصمّـــان) لاجـــا نـواوير = والــفـــاطــر الـسـحـجــوج يزمي ظهرها
وهذي القصيده كامله :
جونا العسوس وخـبّرو بالمحاديـر = قالـوا لقينـا اللـي حقوقـاً مطرهـا
مـن معـرج السوبـان لأم العصافير = أمـا معـقـلا مــا لقيـنـا شجـرهـا
حـدّر علـى الصمـان لـمّـت مظاهير = يـومـاً كــلاً هايـبـن مــا نحـرهـا
نادى المنادي في طويـل العثامير = والـنار فـي راس الطويلـة فقرهـا
تـغـاوزنـّه جـــل ذوداً مغاتير = نـتـبـع هـواهــا والـصـبــي مــــا ثـبـرهــا
نرعى بها الصمّان لاجا نـواوير = والفاطر الـسحجوج يزمي ظهرها
محدارنا هو منوت اللي معه طير = مـع جـودلاً كـن القمـر فـي نحرهـا
ويامـا حـلا لقـط الزبيـدي مزابيـر = فـي فيضـةٍ مــا طبـهـا إلا مطـرهـا
لكن دنين نجورهم في الدواوير = حس القبـيـسه تجذبـه مـن سحرهـا
يا ما حـلا المسنـاد عقـب المخاضيـر = لا طيـرت غـرز العشايـر وبرهـا
ويـا مـا حـلا عقـب التفـرق دواوير = يـوم الثـريـا دلبـحـت فــي بحـرهـا
يـا الله طلبتـك سابقـاً بالتياسير = طويـلـة السمـحـاق فـتـراً ظهـرهـا
رجلينهـا تشـدي لهـدف النواعير = لكـن غـزل الذيـب يدخـل شعـرهـا
نبغي عليها ساعةٍ في المحاضير = لا قال من ذي له وذي من عقرها
نكسـب عليهـا جـل ذوداً مصاغير = ونكسّـب اللـي غايبـاً مـا حضرهـا
................................
*قصيدة الشيخ والفارس ../ علي الأزمـع ابوثنـين التي رد بها على فيصـل ابن سلطان الدويش يقول علي :
يـاطارشي لا جيت ابن وطبان = مهوب فالمـــرتع هني ..
(حنا رعينا العشب في الصمان ) = ونرعى مويثل هم نجي
( غصبـن عليكم ياولد سلطــــان ) = وتجنبــــــــون أم العجــــي ..
في شف وضحى تدهل الحيران = مــقـيـــاضها عد(ن) عذي ..
أبشر بخيل فوقها سبعــــــــان = خيالهم ماله لـــــــدي ..
بتشوفها بالنور لا من بــان = والنصر من عند الولي ..
................................
* حـداء للشيـخ والفارس / عبيد ابن سعد ابوثنـين ( ابو جرّاح ) يقول :
ياذيب ياللي بايتً جيعان = عان العشا لك بالنفود
عان ................. = من ضرب خيلً ما تحود
لعيون شقحاً ترتع (الصمّـان) = ما حذّفوهـا بالحيـود
.................................
يقـول الشاعــر ../ محمـد ابن حيـلان الأدغم من قصيده له طويلـه :
واحدّ خذاله ديرةً مسميّـه = ملاكهـا الأول حدوه بعيـــــــد
من سعد تشمل لا شمال الحومه = دارً خذيناهـا بفـعـل الجـيـد
(مرباعها الصمـان لازان نبتـه = غصبن على الزعلان والحسيـد)
يحدنـا ساقـان يـم البـرابـك = من دونها نروي شبـا الحديـد
كم نوبة من جاء يبيهـا نـرده = بمصقـلات فعلـهـن شـديـد
.................................
ويقــول الشاعر دسمـان ابن مناحــي في قصيدته التي يعدد فيها امجاد قبيلة سبـيع :
((( خذنا من العارض لـيا جو ساقان ))) = بالسيف ما جـتـنا بتسليم الأثمــان
دار لهزعات العراقيب مقـطـــان = تسمن بها شيبا القرا قـبل الاذواد
.................................
* قصيــده للشاعر مطلـق الجرد المليحـي يقول فيهـا :
يالله يا ربً كريم معبودي = ياخيّر كل المخاليق ترجيه
بـنوً من المنشأ يجيله رعودي = سيله حقوق ويرهق اللي يواليه
على الحفر ورماح نوّه ركـودي = ياخذ ثمان وجاب ما كف جاريه
ويطمن على (( الـصمّـان )) واقصى النفودي = يظهر نبات ويطرب اللي مشا فيه
(مدهال ربعً للقبايل ضدودي) = ويدلّـهـون الأجنبي عن دناويه
(( سبعـان )) لاركبو على اكوار قودي = كم ذود مصلاحً تقفو رواديه
دارً حميناها بوايل جدودي وان جا يبيها الشر بالمر نسقيه
بمشوّكً يجزم مثاني العضودي = بضربً ركادً مارمشت عين راعيه
ومصقّـلات يبردن الكبودي = نقّـالهن دز المدرّع مناويـه
فعـلً مورّخ ما يبـيـلـه شهودي = علمه مع اللي عارفينً معانيه
وصلاة ربّـي عـد ما هـب نودي = على نبيً وضح الحق نـتـليـه
..................................
* قـصيـده الشاعر / فيصل ابن عبدالله ابن ضرمان ابوثـنـين يقول :
عسى ديرةً باطرافها الصلب والنفود = يجيها بكور الوسم والبدو قطّانه
على العيطـلي يـنـثر سحابه بدون رعود = وبامر الولي هواه ماهز عيدانه
وشمال المهمري والمثامن بغير حدود = يعم البدو خيره ومن كان فاوطانه
وعقب مدةيخضر وطنا بعشب زود = وتعيش القلوب اللي من الهم زعلانه
ويرعابها ذود تقفاهن المفرود = حنين العشايرلاخضر العشب شفقانه
مداهيل ربعن دايم للعدود ترود = يجون القفر يوم الردي هاب عدوانه
جمالين معروفين لاصك عود عود = يدوسون حد الضد لاقام شيطانه
...................................
* يقـول الشاعـر ../ عبد العزيـز الحمد العرينـي في قصيده له طويله بقبـيلته سبـيع نذكر منها ما يخص الموضوع يقول :
مرباعها ( الصمان ) مع ساقـان ويسـار ويميـن = مع حومات النقيان واجنب وان بغيت اشمالهـا
ولنا فعـرق سبيـع مربـاعٍ يسـر الناظريـن = لاركبـت غـر السحايـب ثـم هـل اخيالهـا
وايضاً من الهضب المسمى لين تاصل غرب تين = والنـار مـن شبابهـا والخيـل مـن خيالهـا
ويقول ايضاً في قصيده له اخرى :
وحنـا هـل العـدد واهـل المدد لاحتاجنـا المزنـوق = وهـل النخـوه هـل النـجـده وللـعـدوان حـرّابـه
دحمنا الصلب و(الصمـان) غصـب ابسيفنـا الفالـوق = نزلنـاهـا ولــو تـزعـل حرارالـقـوم وغـرابـه
ولاومر السحاب الـي مـن المنشـاء ثقيـل اصـدوق = نسوق الظعـن ليـن الطـرش فـي ماطـاه يرعابـه
وانا ياشـوق قلبـي ديـرةً شـرقٍ عـن ام شقـوق = عسى سيل الوسـم لاطـاح يسقـي الخشـم وترابـه
ويسقي دارها والحزم ويسقـي فـي ذراهـا اعـروق = ولاربـع محاريـهـا يطـيـب الكـيـف واهنـابـه
تخالـط باشمطـري والنفـل والـروض والذعـلـوق = وريـح العشـب والنـور ينـعـش مــن تنشـابـه
......................................
*ويـقول الشاعر ../ ابن جعوان العريـني :
يوم سالم قام يقصد ويتمنا = قدّم المجهم على المغتر جوابه
الطرب شقحً يباريها ظعنّا = في نهار الورد هوبال وظبابـــه
زينة الخرطوم ناتبها فحلنا = هزعة بسناد وما فيها حدابـــــه
زين بالطرثوث لاقامت تحنّا = في سنام مثل نصب في سحابه
قدمها العسّاس وبيوتً تبنّا = تـتبـع السبعـان ما فيها مهــابــه
إلى ان وصل هذا البـيت :
من شرى ساقـان قادن واشملنّا = من حدود العرق لاصلب اللهابـه
.....................................
* يقول المؤلف عبد الله ابن سعد الحضبي السبيعي في قصيده طويله له في سبـيع من ضمنها هذي الأبيات :
يرعـون في شف البكـار الزيانـي = مــعرّباتً طــــــــيــــبـاتً نـقـوّه
حول الحفر ورماح ظلع وطماني = والصلـب والصمّـان وفيــــاض دوّه
......................................
* ويقــول الشاعر ../ ناصر الفراعنـه في قصيدته (( الملحمه العامريّـه )) عندما اخذ يصف ويحدد ديار سبيع فقال عن الصمّـان :
مـن البرابـك لتّريـبـي حـــدّهـا = وحجلان حدً مـا عليـه اشكـال
ومن جو ساقانً لخشـم العــان = نرعى البكار المطربـات ألحـال
ما يوم علّقنا على احد العاني = نرعى ديار الظد غصبً غـال
--------------------------------------
---------------------------
-------------------
-
و القصائد في الــصمّــان كثيره لكن احببت ايراد جزء يسير مـنهـا توضّح بعضاً من ديار سبـيع الموجوده فيهـا ....
.. تـحياتـي وتقديـري ..
صــقـــر الغلبااا
منقووووول
غير متصل
