منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
وغالين ووجودي بينهم سواً في الأيقامه ومكان العمل أو فالمنتدا
شيء طبيعي لأني أعتبر نفسي بين ربعي .
وبكل صراحه أنا اللي حرصت على تواجدي معكم
وقمت بالأتصال بالأخ / ناصر البيرق ليضيف أسمي لهذا المنتدا الرائع
بتواجدكم جميع وبجهود الأخوه أعضاء الإدارة والمشرفين .
وآسال الله أن يجمعكم ويجميع جميع المسلمين على ما يحبه ويرضاه .
وهذه الأبيات المتواضعه من الجديد أقبلوها
مع تحياتي ومحبتي للجميع ،،،
من عصر صدري من البعد والضيقه يفوح=جوف رنيه كني أسكـن شمـال انجلتـرا
في ديار سبيع عز الخوي ستر الطمـوح=وبيني وبين الجماعة زمـا خيـط القـرا
راكب اللي لا نهمته يشوح الأرض شوح=مركب الأسيـاد للبعـد لا طـار الكـرا
وأرد الجفالـي ولا اشـتراه أبـو الفتـوح=قيمته تجعل قصيـر المـدى يرجـع ورا
ما شريته للمره عقب مـا قامـت تنـوح=مشتريـه لطـاري البعـد لا منـه طـرا
ولا ستر ربي ما فكرت كيف أرجع وأروح=ساعتين من العثيثـي إلـى وادي كـرا
وادي الريحات ربعي مبنيـة الصـروح=عزوتي في ماقف الضيـق لا رد البـرا
ودي إنـي بينهـم حـد فالتـرقـاه روح=ولايمي عن طيب ربعي وطيبـي مـا درا
وربعي إن كان الفتن قـام بارقهـا يلـوح=أصغر الريحات يقلط على القـوم جهـرا
ما هي بهرجة هبوداً يـدوح الهـرج دوح=هرجة اللي في كتاب الزمن شاف وقـرا
قلتها بالمختصر مـا علـي مـن النبـوح=النبـوح يطـق طقـه ويرجـع فـالـذرا
وانا فالوقفات شبحي من طوال الشبوح = جدي وأبويه وخالي فالامجاد خشرا
وطيب ربع الطيب يزيده اصـرار وطمـوح=والردي خسران لـو أن جماعتـه مـورا
أخوكم : راشد الرياحي
بسم الله الرحمن الرحيم
أخي العزيز الشاعر / راشد الرياحي السلام عليكم ورحمة الله وبركاته وبعد : فقد حللت علينا ضيفا عزيزا وصاحب فكر نير وقلم متميز وإبداع أدبي فذ وفقك الله وحفظك من كل سوء فأهلا هيل عد السيل ومرحبا ألف والله يحييك من ممشاك إلى ملفاك ويحيي جميع أبناء قبيلتك العريقة الرياحات البقوم ظهور السواني ولا يسعنا إلا أن نقول كما قال الشاعر :-
يا ضيفنا لو زرتنا لوجدتنا
= نحن الضيوف وأنت رب المنزل
وكما قال الشاعر :-
يا مرحبا ترحيبة البدو بالسيل
= ترحيبة العدو العمى في عياله
وكما قال الشاعر :-
يا مرحبا ترحيبة البدو بالعيد
= تباشروا به يوم شافوا هلاله
أخي الكريم الفاضل الشاعر / راشد الرياحي حللت أهلا ونزلت سهلا وصح لسانك وسلم نبضك وبناك وإعتلا شانك وإن شاء الله تجد عند إخوانك أبناء قبيلة سبيع بن عامر الغلباء في شبكة سبيع الغلباء متمثلة في منتدياتها ما يثلج صدرك وتبتهج به أساريك والله يحييك أخ عزيز وابن أخ عزيز في محلك مع خالص التحية وأطيب الأمنيات واسلم وسلم والسلام .
[size=4][align=center]يقول أبو زيد الهلالي سلامه = أدعى سو بقعاء مقدم الراس شايب
أخاطر بعمري في ذرى كل هيه = مر (ن) سلامات (ن) ومر (ن) مصايب
الإجهاد عدّى اللايمات عن الفتى = والأرزاق ما تأتي الفتى بالغصايب
أخوي راشد صح لسانك على هذه القصيدة الاكثر من رائعة وانت بين ربعك وجيرانك
وتقبل تحياتي
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
غير متصل
رد: - ( رنيـــــه & أنجلتـــــــــرا ) -
