قصيدة الشاعر عبداللة بن زويبن المعمري الحربي

[ابن طريس]

لي حاجة عيت تحقـق مـن العـام=عيا يطيب الحـظ لـو قلـت أظنـه
يفـز فـزة غاتـر عقـب مـانـام=جنـه حلـوم مزعجـه وأيقظـنـه
وجدي على تحقيقهـا وجـد صـدام=علـى يديـن بـالـولاء بايعـنـه
وبلاده اللـي ماعرضهـا للاسـوام=وعرش الرئاسة والجيوش المرنـه
اللي قذايفهـا تعـدت ورى الشـام=شاميـر يـوم ولايتـه روعـنـه
وبيوته اللي من سيراميـك ورخـام=خطط وصممهن علـى كيـف فنـه
ماتنتـعـدد تكلفتـهـن بـالارقـام=ماهـو مواطـن عايـدي يبهضنـه
حاكم من الحكـام ويصـدر الخـام=دار السريـة والــدول يدعمـنـه
متريّس له دولـة شعبهـا اقسـام=ويلعب على القسمين شيعه وسنـه
مخلـي ٍ شيخانهـم تقـل خــدام=يمشون خلفه خوف ماهـو محنـه
ملا البيوت مـن الارامـل والايتـام=وملا السجون المظلمـة والمجنـه
ياليـن طشنـه مقـاديـر الايــام=مـن النجـوم النايـفـة نزلـنـه
مثل الوليشة بين عـدوان الاسـلام=من كـل صـوب كلابهـم ينهشنـه
او وجد عـود يرتكـي كـل ماقـام=على كفوف يديه مـن كبـر سنـه
الليا غفل بايامـه الماضيـه هـام=والليا انتبه من غفلته ( جر ونّـه )
من عقب ماهـو للمغاويـر مقـدام=اليـا غـزا صـم الرمـك يتبعنـه
ومروبع يزمـي مثـل عـز لـزام=اليا اقبلن شيـب الغـوارب نصنـه
بظهورهن ربـع كريميـن وحشـام=اليـا جذبهـم صـوت نجـر يدنـه
يجذب له الغايـب وسمـوه عـزام=من كثـر مايجـذب شراريـب بنـه
اليوم كل اللي بقـي جلـد وعظـام=والمال خمس اشياه والبيـت عنـه
ولاله عيال ينصرونه الليـا انظـام=الا بنـات ٍ بالهضـاااايـم شـونـه
ياقلـب خلـك للروابـع والاوهـام=رفيـق درب وكـل هــم ٍ تبـنـه
والا انتفض واربط محقـاك بحـزام=وعن قوم ( وش سويت ) خافيك كنه
والشر عنك خـلاف والخيـر قـدام=والصبر في وقـت المعانـاة سنـه

[فـــالح السبيعي]

مشكور أخوي ابن طريس
وصح لسان الشاعر عبدالله الحربي
ولاهنت يالذيب

[سعود السهلي]

صح لسان الشاعر يالغالي ..وقصيدته توجد والله يحقق مايبه



ولاهنت على النقل يالغالي



اخوك
سعود السهلي

[منصور الحري]

لاهنت يالغالي على نقل القصيدة الأكثر من رائعة

تـحــيـاتـي

[جذاب السبيعي]

تسلم يابن طريس على هالذوق الرائع في الشعر ..

وصح لسان الشاعر عبدالله ابن زويبن ...

قصيده جزله وافيه وهو من الشعراء المعروفين لاهنت على هالرائعه ...........

[ابوعايض الأكلبي]

لاهنت يابن طريس

على النقل الجزل

واشهد بالله أنه شاعر

وأن قصيده جزل