منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذه القصيدة موجهة إلى : مصلح بن ربح الصميلي السبيعي
سلام يـا رجـلٍ وقف ماقف الطيب=رجـلٍ حـكيمْ وبالوفا بان طيبه
رجـلٍ بـفعل الطيب جاله تجاريب=لـه وقـفةٍ بالطيب ماهي غريبه
مـن قـبل أعرفه جا لطيبه مناديب=وعـلم الحيا والطيب كلٍ دريبه
ولـه ماقفٍ بالطيب حكمه وترغيب=ومـن مـوقفه كلٍ يبي يقتديبه
رجّال أديـب وموقفه موقف أديب=وأنـا أفتخر في موقفه وأعتزيبه
مـن ربـعنا اللي ينطحون المواجيب=يـوم المواقف عند أهلها صعيبه
من لاد صامل لا حصل شقّة الجيب=لا صـار فـي سد المصيبه مصيبه
لا جـا نـهارٍ يطْلِع الطيب والعيب=مـوقـف رجال سبيع كلٍ يهيبه
يـتلون شيخٍ كم قضى من مطاليب=شبّاب ابن جروه عسى الله يثيبه
كم وقّفوا من دون حرش العراقيب=بـالوادي اللي ما طمع في شعيبه
مـصلح عرفته واحترمته على الغيب=فـعله عجيب وله مواقف عجيبه
والـذيب مثله يكشف رغبة الذيب=وأنـا فـخورْ بـوقفته وأعتنيبه
وأرسـل لأبو راضي جميع المكاتيب=أمـا يـرد الـعلـم ولا يجيبه
وأرخـص لعمّي كل ما يملك الجيب=لا حـيث عمّي كل مرمى يصيبه
والـناس فـيهم يخطي الظن ويصيب=وكـلٍ لـزومٍ يـقتنع في نصيبه
وبلال بـن ربـاح بـيَّن به الشيب=وعـمّه يـعرفه في شبابه وشيبه
والـناس كـلٍ فيه عيب وعذاريب=لـكن مـحدٍ يعترف ويش عيبه
مبااارك البخيت المحمدي السبيعي
أقف لشاعريتك الفذه إحترااماا وإجلالااا
كم نحن متشوقين لسماع جديدك وها أنت تهدي لنا
هذه الشـــــــــــــــــــامخه
صح لسااانك وبيض الله وجهك ويستاهل أبوصامل
وماعليكم زود ولا على جميع قبايل سبيع
غير متصل
