صــــــــــلب جـــــــدك

[خالد بن عياش]

صبحتوا بالخير يارفاقه ويزوارنا الكرام


واستلموا

أنت يالي ضاق صدرك .. من زمانك=من زمانٍ قام .. ( يبنيك ويهدك )
أنتبه والوقت سرجله .. أحصانك=الصبر سيفك .. وقو العزم جندك
قَل من في ذالزمن ياقف .. وزانك=ينفعك راسك ليا قويت .. زندك
وكان ربي فالليال السود .. عانك=فصل اثيابك على جسمك وقدك
والليالي لاقبلن ترخي عنانك=ولاادبرن عن كل مزمومٍ تلدك
والمراجل ماتجيلك في مكانك=والنَعم ينقال من جودك ومدك
والرفيق إليا تردى .. ثم هانك=أتركه يشفعله أنه ( صلب جدك )
والصحيب الطيب أليا أخطى .. وادانك=يشفع إنه كان رجال ويودك
خلك أنت الطيب اواسعٍ بطانك=مشها .. والناس تفهم ويش عندك
وانتبه ثنتين تكسر .. عنفوانك=أنتبه ثنتين كل منهن .. تضدك
أول الثنتين .. لاتطلق السانك=ألسان أحصان لاينباح سدك
وثاني الثنتين .. تلقاها بذانك=لاتقَرب للهروج العوج خدك
أحذر الي قال عانه قال .. عانك=من يجيب لك العلوم .. أقفى بردك
وكان تبغى يرتفع قدرك .. وشانك=أنتبه لايختلط ( مزحك وجدك )

[أبو يزيد]

والرفيق إليـا تـردى ثـم هانـك =أتركه يشفعله أنـه ( صلـب جـدك )
والصحيب الطيب أليا أخطى وادانك= يشفـع إنـه كـان رجـال ويــودك

رائع

,
,
,

,
قصيده رائعه وحكم وتوجيهات حكيمه
صح لسانك ياخالد بن عياش

[مصلح ربح]

رائعه يابو محمد
نامل ان تواصل
لاتبخل لم اعرفك بخيلا
تقبل خالص التقدير

[أمير الصمت]

يازين الشعر ليا صار من قافيتك وأوزانك
يا عريب الساس من خالك وعمك وجدك
بس لو تترك لعب الكورة وتنسى أحزانك
انت رجال سمين وبالعمر واصل حدك

[خالد بن عياش]

ابو يزيد


صح بدنك ولاهنت على المتابعه والاشاده


تقبل خالص الود

[خالد بن عياش]

اخوي / مصلح بن ربح


لاهنت على المرور والمتابعه


وابشر بالي تطلب


تحياااتي

[مسلط 22]

بسم الله الرحمن الرحيم
الاخ خالد بن عياش السلام عليكم ورحمة الله وبركاته وبعد صح لسانك وسلم بنانك على هذه الرائعه وانت سالم والسلام

[خالد بن عياش]

امير الصمت


اقول مسيت بالخير

[ربح السبيعي]

صح لسانك يابن عياش


على هالقصيده الجزله



سجل اعجابي بها

[عيسى السبيعي]

أنت يالي ضاق صدرك .. من زمانك=من زمانٍ قام .. ( يبنيك ويهدك )
أنتبه والوقت سرجله .. أحصانك=الصبر سيفك .. وقو العزم جندك
قَل من في ذالزمن ياقف .. وزانك=ينفعك راسك ليا قويت .. زندك
وكان ربي فالليال السود .. عانك=فصل اثيابك على جسمك وقدك
والليالي لاقبلن ترخي عنانك=ولأدبرن عن كل مزمومٍ تلدك
والمراجل ماتجيلك في مكانك=والنَعم ينقال من جودك ومدك
والرفيق إليا تردى .. ثم هانك=أتركه يشفع له أنه ( صلب جدك )
والصحيب الطيب أليا أخطى .. وادانك=يشفع إنه كان رجال ويودك
خلك أنت الطيب اواسعٍ بطانك=مشها .. والناس تفهم ويش عندك
وانتبه ثنتين تكسر .. عنفوانك=أنتبه ثنتين كل منهن .. تضدك
أول الثنتين .. لاتطلق السانك=اللسان أحصان لاينباح سدك
وثاني الثنتين .. تلقاها بذانك=لاتقَرب للهروج العوج خدك
أحذر الي قال عانه قال .. عانك=من يجيب لك العلوم .. أقفى بردك
وكان تبغى يرتفع قدرك .. وشانك=أنتبه لايختلط ( مزحك وجدك )

الشاعر / خالد بن عياش

صح لسانك اخوي عايش على هذه الرائعه من شاعر رائع
وهذا التنسيق هديه من
تحياتي