مرثيات ابن مغنم المكيحيلي في ابن جرمان المشعبي

[اشعاعي]

بعد صداقة امتدت لاكثر من ربع قرن تبادل فيها الطرفان اروع صور الوفاء والاخوة والايثار وحسن الجيرة بين كلاً من الشاعر الكبير سعود بن مغنم المكيحيلي السبيعي و الشاعر الكبير عبدالمحسن بن ثواب بن جرمان المشعبي السبيعي
ولكن سرعان ماغيبت المنيه المشعبي بسكته قلبيه ليلة الاحد من محرم سنة 1426هـ وكان من الصدفة في هذا اليوم ان ابن مغنم ذاهب لزيارة صديقة المشعبي فلما اقبل رأى جمع غفير من الناس عند منزل صديقة اتى ابن مغنم وعندئذ وجد مالم يكن بالحسبان عندها صعق سعود بهذا الخبر وقال هذه القصيدة:

لاواهني اللي منامه تهناه = وانا عيوني كل نجم تخيله
بلفني العلم المروع مفاجاه = وغيبت عن فكري شهور طويله
وفاة شيخ تكسب الطيب يمناه = ابو ثواب اللي يزبن دخيله
وجريت صوتي جرت الذيب لعواه = واقنب قنيب الذيب واعول عويله
علي صحيبي ياصحيبي صحيباه = صحيبي اللي من خيار القبيله
لاونها بالحرب والله ولله = لاشب نار الحرب وشعل شعيله
واصيح بآل عمير لرضاه وافاه = وارمي بروحي لين يشفى غليله
هودرعي اللي من علي المتن يحماه =من عزوتي واهل المهار الاصيله
الاد مشعب تعطي العايل دواه = بم الفشق والا السيوف الصقيله
صحيبي اللي يرفع الراس طرياه = ماضني القى في القبايل مثيله
ظرغام غابه في نهار المثاراه = ونجم الشمال ولايتيه دليله
مثل القمر يفرح بنوره ومبداه = ومن غاب عنه النور ياعزتيله
وشاعر وله مع كل شاعر مجاراه = مثل الحصان اللي يشجع صهيله
عليه من عنتر وصايف وشرواه = وعليه من حاتم وصوفن جميله
والله مدله عن صحيبي ولا انساه = وكلاً علي ماقيل ربه وكيله
مثل الجبل من خاف يزبن ويرقاه = ومثل البليهي كل حملن يشيله
لاونها بالمال والوجه والجاه = عنيت للي فالعرب ينعنيله
لاكن هذي قدرت الله وبلواه = امر قضاه الله ولافيه حيله
بالطيب يجزاني وانا مثله اجزاه = فعل الوفاء بين العميل وعميله
عسى جنان الخلد نزله ومثواه = ماعاد لي غير الترحم وسيله

وبعد عامين من وفاة عبدالمحسن وفي نفس اليوم تكر ابن مغنم صديقه فقال هذه القصيدة:

ليله لحد حادي عشر من محرم = عام جديدوعام سته وعشرين
ليلا ظوا بالحزن والهم والغم = خلا دموع العين تذر من العين
خلاني امشي فالخلاء واتكلم = والله مادري وين انا فيه انا وين
وانا احسب اني نايم واتحلم = وتم افراق وزاد هم المحبين
علمن يجيب الضغط وينشف الدم = واون كني من حساب المجانين
والشعر والشعار ميزات وحكم = وانا من اللي يازنه بالموازين
وارثاء صديقن في القبايل بني عم = اللي معي دايم علي العسر واللين
ياخير منهو بالمهمات يزهم = وريف لهشال الخلا والمساكين
ليته يشوف اللي جرالي ويعلم = ويدري عن التعبير له بالملاحين
حتاه يدري عن صديقه ويعلم = انا ورا انتابع السير ماشين
اطلب له الله بالرضاء والترحم = يغفر له الزلات ويضاعف الزين
واطلب له الله في ابدايه مقدم = يدخل جنان الخلد بين البساتين
العبد يذنب وانت يارب ترحم = يارب تغفر للشيوخ المسنين

منقـــــــــــــــول للامانه

[خيَّال الغلباء]

أخي الكريم / اشعاعي السلام عليكم ورحمة الله وبركاته وبعد : شكرا جزيلا لك على نقل قصائد الشاعر الكبير / سعود بن مغنم المكيحلي السبيعي في صديقه العزيز / عبدالمحسن بن ثواب المشعبي رحمه الله وأسكنه فسيح جناته هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .

[جعد الوبر]

صح لسان الشاعر وسلمت يمنى الناقل

[الحميدي السويدي]

صح لسااانك الشاعر سعود بن مغنم ورحم الله
الشاعر عبدالمحسن المشعبي وأدخله فسيح
جناته وهذه من صفات الرجال الاوفيــاء لا هنت
أخي ناقل هذه القصايد الرااائعه وتقبل تحياتي

[خيّال العرفا]

صح لسان الشاعر / سعود بن مغنم ورحم الله الشاعر / عبدالمحسن المشعبي وأسكنه فسيح جناته وهذه صفات الرجال الأوفيــاء لا هنت أخي ناقل هذه القصايد الرائعه وتقبل فائق تحياتي

[اشعاعي]

«®°·.¸.•°°·.¸¸.•°°·.¸.•°®»الاخوه«®°·.¸.•°°·.¸¸.•°° ·.¸.•°®»

][®][^][®][خيَّال الغلباء][®][^][®][

][`~*¤!||!¤*~`][جعد الوبر][`~*¤!||!¤*~`][

°ˆ~*¤®§(*§*)§®¤*~ˆ°الحميدي السبيعي°ˆ~*¤®§(*§*)§®¤*~ˆ°

^&)§¤°^°§°^°¤§(&^خيّال العرفا^&)§¤°^°§°^°¤§(&^


اسعدني مروركم وجميل ردودكم

تحياتي لكم

[حمد ع ح]

بيض الله وجهك ولا هنت