أتعبني الترقيم من سوق في سوق

[فتى العزه]

أتعبني الترقيم من سوق في سوق = كني موظف في حراسات الأسواق

لزقت فيها لزقت علوك باطوق=حتى عرفني كل بايع وسواق

من شافني يقول تاجر ومرموق =فاللبس أنا رسمي ورايق وذواق

وانا منتف فالحقيقة ومزنوق = حظي مجنب بي عن دروب الأرزاق

عقلي من الخفرات لاذع ومحروق =من يفتحون السوق وانا على ساق

ألحق بنات الناس هايم ومطفوق =مخباي مليانه من أركان الاوراق

شبّكت هند وريم والثالثه شوق= والرابعه والخامسة وعد واشواق

دايم وجوالي على الآذن ملصوق =محبوبتي ما تحتمل بعد وفراق

تقول"ثامر"وإسمي الصدق"مرزوق" = لا يا بعد ثامر ومرزوق وإسحاق

العب عليها لعب عاشق بمعشوق= وأبني براس الحلوه جسور وانفاق

هذي سلوم اهل الهوى كلها بوق = اكثر ضحايا الناس فالوقت عشاق

[أبو يزيد]

قصيده طريفه وجميله
شكرااا لك اخي فتى العزه

من القائل اخي الغالي؟

[فتى العزه]

ابو يزيد

لاهنت على المرور

والشاعر مجهول والله

[ابومحمد العريني]

صح لسان الشاعر

وتسلم يمناك على النقل

[منصور الحري]

مشكور يافتى العزة

[فتى العزه]

ابومحمد

الفتى منصور

لاهنتم على المرور

[مخايل الغربي]

بسم الله الرحمن الرحيم
المكرم الاخ فتى العزه السلام عليكم ورحمة الله وبركاته وبعد كل عام وانتم بخير وعيدكم مبارك صح لسان الشاعر وهداه الله وانت سالم وغانم والسلام

[فتى العزه]

مخايل الغربي

من العايدين والفايزين

ولاهنتم على المرور