منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
إهداء من / محمد بن كايد إلى منتدى سبيع الغلباء الغالي كتبتها نيابة عنه :-
ولي الفخر في مدح سقم المعاديـن= ربعي سبيع مرجحيـن الموازيـن
من دون منقص حق من كان وافين =لي لابة ترو السيوف المراهيـف
مروين حـد مصقـلات السيوفـي= هيف السمان ومكرمين الضيوفي
اللابه اللـي يـوم كلـن يحوفـي= يحسب لهم غازيـن وإلا مناكيـف
سبعان تعرف يوم حرب القبايـل=يثنـون دون معبسـات الشمايـل
قول عليه شهـود وايضـا دلايـل=مثل الجبل يثبت بوجه العواصيف
كسابة الطـولات يـوم التنـادي =مروين حـد مصقـلات الهنـادي
يشهد لهم بالطيب حتى الأعـادي =رجّالهـم لـه بالشدايـد مواقيـف
ربعي سبيع مكمليـن المواجيـب=هل الثـلاث مبيضيـن المكاتيـب
يشهد لهـم عدوهـم والأصاحيـب =حقايق تنقال مـن دون تحريـف
تم الكلام اللي يقـول ابـن كايـد= وإليا حصل بالهرج ناقص وزايـد
سماحكـم يا طيبـيـن العـوايـد=يا أهل الوفا والطيب وأهل المعاريف
أخي الكريم الشاعر / راع الوفاء السلام عليكم ورحمة الله وبركاته وبعد : شكرا جزيلا لك على هذه الرائعة المعبرة والنعم في وفي محمد بن كايد وسبيع الغلباء تستاهل وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم مع خالص التحية وأطيب الأمنيات واسلم وسلم والسلام .
غير متصل
رد: لي الفخر
