منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
اعزائي اعضاء ومتصفحي منتدانا العزيز يطيب لي ان اضع بين يديكم
مساجله حصلت بيني انا مفرح سيف الملحي السبيعي (فاهم النظره)
والشاعر محمد حزام الملحي السبيعي
بحكم اقامه الشاعر محمد في الرياض
كانت بداية القصيده راعي العاصمة
اليكم القصيدة كاملة مع الرد :
(مفرح)
راعي العاصمة ماجتني اخباره
مر له عام واقبل عامنا الثاني
ودايم النوخذة لاطول ابحاره
مكسبه من البحر لولو ومرجاني
كل بستان نبغى نقطف ازهاره
كل مثمر بورده كل بستاني
اغنم الوقت قبل يثور غباره
خذ نصيحة تقدم لك بمجاني
اقلط بمجلس اللي لاشعم ناره
مايقلط عليها فلان وفلاني
وماشكى من غلاظه جانبه جاره
ولاشكى من قساوة قلبه العاني
يفرح ان كان جاه الضيف في داره
ويمن الخايفين ويمن الجاني
ونتواضع لو انا ناس كباره
نعمل بديننا والوضع الانساني
وان زعلنا ترى في الهوش جباره
ويش هتلر وويش الشعب الالماني
اكسر العظم واسويله جباره
لان ابويه على الطولات رباني
الرد
(محمد)
الله اكبر ليال الدهر دواره
كم تفرق من اصحابٍ وخلاني
أعزائي أعضاء ومتصفحي منتدانا العزيز يطيب لي أن أضع بين يديكم مساجلة حصلت بيني أنا / مفرح سيف الملحي السبيعي ( فاهم النظره ) والشاعر / محمد حزام الملحي السبيعي بحكم إقامة الشاعر محمد في الرياض كانت بداية القصيدة راعي العاصمة إليكم القصيدة كاملة مع الرد ( مفرح ) :-
راعي العاصمة ما جتني أخباره=مر له عام وأقبل عامنا الثاني
ودايم النوخذة لا طول إبحاره=مكسبه من البحر لولو ومرجاني
كل بستان نبغى نقطف أزهاره=كل مثمر بورده كل بستاني
اغنم الوقت قبل يثور غباره=خذ نصيحة تقدم لك بمجاني
اقلط بمجلس اللي لا شعم ناره=ما يقلط عليها فلان وفلاني
وما شكى من غلاظه جانبه جاره=ولا شكى من قساوة قلبه العاني
يفرح إن كان جاه الضيف في داره=ويمن الخايفين ويمن الجاني
ونتواضع لو إنا ناس كباره=نعمل بديننا والوضع الإنساني
وإن زعلنا ترى في الهوش جباره=ويش هتلر وويش الشعب الألماني
أكسر العظم وأسويله جباره =لأن أبويه على الطولات رباني
الرد ( محمد ) :-
الله اكبر ليال الدهر دواره =كم تفرق من اصحابٍ وخلاني
ودي أثقبها لكن بواره=ديني السمح يامرني وينهاني
يا قصيدي ويا جمل رايع أفكاره =انتظم خابرٍ منته بتعصاني
شعري اللي جميل الفكر معباره=من بنات الفكر قيفان وأوزاني
من هجوسي أطلق عنة امهاره=والقوافي تسابقني على لساني
لين أخلي بحور الشعر هداره =كلها قدرك يا ذرب الأيماني
يا وسيع المعرفه كلن بداره=في رغد عيش بإذن الله وأماني
ودي أعطيك علم والعلم شاره=لا تفكر تحسب العلم يخفاني
كل طيرٍ يعرفك إيه منقاره=وكل خط ٍ وله صيغه وعنواني
ما تجاهلت روض ٍ كن نواره =زل مشكل من صنعت إيراني
وغبت البحر لا من هاج غداره=يا كريم الوجه من الغدر تحماني
وكل ليل ليا منه أسدل استاره =ما يبين خوافي شي ما باني
وكل ليل ليا من شعت أنواره =أسدل الليل تكفى لو على شاني
تاره أبديلك الموضوع ثم تاره =أخفي الوضع لأن إلساني احصاني
مير أنا أبشرك وأبيلي بشاره=مذهبي حنبلي والأصل عدناني
والختم راعي الطولات معذاره =يكرم الضيف ليا من جاه والعاني
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير
حنّا سبيع أهل الطروق المخلات = وحنّا سبيع أهل السيوف الشطيرة
وحنّا سبيع أهل السلوم المنقات = لنا وجيه وجاه يذري وجيرة
وحنّا سبيع إن قيل يا سبيع ردات = نرمي بغالي الروح وسط السعيرة
من غير قاصر في جميع السموّات = قبايل (ن) بسلومها مستنيرة
غير متصل
رد: العاصمة
