منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
اخترنا لكم في هذا الشهر المبارك قصيدة نطلب فيها من الله أن يغيث العباد والبلاد.
الايالله يامعبـود يــاراع الـكـرم والـجـود=تغيـث قلوبنـا بإيمـان وديرنـا برجعـانـي
بيدك الخير كلـه عطفـك ورحمتـك يامعبـود=ماغيـرك نرتجـي لذنوبنـا عفـو وغفرانـي
إليـك الملتجـى والمشتكـى يـارب يـاودود=تغفـر ذنوبنـا وتعوذنـا مـن كـل شيطانـي
تزيد الطايع بطاعة ولا تتكـل علـى المجهـود=وتهدي كل من ظل وقضـى عمـره بعصيانـي
وتغيث الدار بالغيث الهني وتحقـق المقصـود=بغيث شامل مـن كـل صـوب وكـل حدانـي
مخاييله تعاقب لونهـا مثـل الجبـال السـود=خيال يصب ماه ومنشـيٍ فـي سـده الثانـي
مخايل راكده بامـر الولـي ماغيرتهـا النـود=تتالى والمطر يمطـر بامـر خـلاق الأكوانـي
يجيك السيل من الأرض الوطأ ويجيك من النفود=يخلـي كـل الأرض تلاعهـا تقـول وديانـي
يعم المملكـة ويقـال غيـث ماعنـه منشـود=حدوده من شمال طريـف والجنـوب نجرانـي
على انحاء المملكة كل يعـده والخبـر مأكـود=علوم الـي يعسونـه ماهيـب علـوم كرانـي
يعد احيان شىء فوق حجمـه ماهـو بمعـدود=لياجاء رش قال اتى على اثره سيـل شعبانـي
ولكن نسأل الله خير من فضلـه بغيـر حـدود=يحقـق كـل مانبغـاه ربـي والـي الشانـي
وكلن في دياره يغتني يرعى الحيـاء فـي زود=بفضل الله وجوده عمـت الرحمـه بالاوطانـي
تشوف العشب متشابك وله فوق القشوع عقود=عشوب مختلـط نوارهـا مـن كـل الالوانـي
تسير القفر بالساعات ماشاهـدت فيـه وفـود=مافيه الا أم سالم صوتهـا الجـذاب وحدانـي
على منوتك يالشاوي على شفك ياراعي الـذود=فضل ربي كثير ولاحـدٍ يحقـد علـى الثانـي
ويرعى كل منكـم قفـر لاحاسـد ولامحسـود=وتجي صحبة بعد ماكان قبـل اليـوم عدوانـي
يروح الوقت وأزماته على العالم ماعـاد تعـود=ويحل الخير ويدوم الرخاء في باقي الازمانـي
ابراهيم بن سعد صح لسانك ومشكور وما قصرت ولا هنت
إنا لقوم أبت أخلاقنا شرفا = أن نبتدي بالأذى من ليس يؤذينا
قوم إذا خاصموا كانوا فراعنة = يوما وإن حكموا كانوا موازينا
تدرعوا العقل جلبابا فإن حميت = نار الوغى خلتهم فيها مجانينا
إن الزرازير لما قام قائمها = توهمت أنها صارت شواهينا
بيض صنائعنا خضر مرابعنا = سود وقائعنا حمر مواضينا
أخي الكريم الشاعر / ابراهيم بن سعد السبيعي السلام عليكم ورحمة الله وبركاته وبعد : كل عام وأنتم بخير وصحة وسلامة والشهر عليكم مبارك جعلنا الله وإياكم وإخواننا المسلمين في مكان من صوامه ومن قوامه ومن عتقائه من النار وصح لسانك وسلم نبضك وبنانك وإعتلا شانك والله يغيث البلاد والعباد والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم الشاعر / ابراهيم بن سعد السبيعي السلام عليكم ورحمة الله وبركاته وبعد : كل عام وأنتم بخير وصحة وسلامة والشهر عليكم مبارك جعلنا الله وإياكم وإخواننا المسلمين في مكان من صوامه ومن قوامه ومن عتقائه من النار وصح لسانك وسلم نبضك وبنانك وإعتلا شانك والله يغيث البلاد والعباد والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
أخي الكريم خيال الغلباء وعليك السلام ورحمة الله وبركاته
وكل عام وأنت طيب وبخير والشهر مبارك عليك وعلينا
وأشكرك على ردك وحسن ظنك بأخيك وردودك دايم جزلة تدل على جزالتك .
غير متصل
يعم المملكـة ويقـال غيـث ما عنـه منشـود
