مقــــــــام الـــــــذوق

[من نسل الكرام]

السلام عليكم ورحمة الله وبركاته



مســـاكم الله بالخيـــــر

وش حالكـــــم جميعاً

أخواني اخواتي أعضاء هذا المنتدى الشامخ


اضع بين يديكم قصيده واتمنى أن تنال على ذائقتكم





تقربني من انفاس الغرام بنظرت(ن) من عين
وانا ياما وياما من كلام(ن) صرت محتاجه

اوصل لك سلامي واشتياقي يا غرامي لين
يجيله في سما حبك مجال وتكبر ابراجه

هلابك يا اجمل ايامي هلابك يانتاج الزين
هلا يامن بك الملح المصفى علق سياجه

مليح الطول محمود السجايا واريش العينين
عليك يطيب تعذيب الظمير ويكسب افراجه

عليك احساس مع هيبة مزايا واحمر الخدين
ليا من شفتك اضيع مكاني واترك الحاجه

فدتك اجمل معاليق الخفوق اللي حفظ لك دين
وفدتك احلى عناقيد الوداد بلحظة امواجه

تربع في حظن قلب(ن)يحبك من زمن وسنين
تربع واعشقه طيبه تربع وافخر ابتاجه

مواريد الحشا تبيني خيالك يا اطيب الجدين
على جال الفرح يفخر ضمير الود با انتاجه

تبنتك الظنون اللي مطامعها من الصوبين
تحاول تسكن احداق الجريح وترسم علاجه

يهب الريح مع صلف النوايا والدروب تزين
واراجع صحبة افكار الضمير وطيب مخراجه

ضمير(ن)ماترك لمسه من جروح المسا ثلثين
يعيش بهامته والطيب مدهاله ومنهاجه

احبك والعتب غالي احبك والعلوم تبين
احبك كثر ما يشرق شعاع الشمس بزعاجه

احبك كل ماهامت تصاريف الزمن تكوين
احبك كثر ما سارت بوسط الارض دراجه

غلاك اطيب من انفاسي ومن دمع الزمان الشين
غلاك اطيب من احساس الغريب ولحظة احراجه

كثر ما عاندت عيني وانا الشاكي وانا المسكين
كثر ماسافرت غبة بحور الشوق وامواجه

خلاصة حبي الصادق عباره تحتظن قوسين
اذا للزين عنوان بزمنا انت منهاجه


وسلامتكــــــــــــــــــم

[admin]

صح لسانك ملايين

قصيدة رااااااااائعة جداااااااااا

هل هي من نظمك ام ناقلها والمعذرة على السؤال

فقط اريد انقلها للقصائد المميزة

[من نسل الكرام]

لا هنت اخوي ادمــن على تواجدك الجميل


وصح ابدانك وبالنسبه للسؤال هل هي من نظمك نعم من نظمي

وسؤالك مقبول برحابة صدر

شرفني مرورك العطر أخي الكريم