بسم الله الرحمن الرحيم
هذه من قصائد الشاعر الكبير الغني عن التعريف
فهد بن خالد بن سوقان ، وهي تعبر عن نفسها
قصيدة ( الجهاد )
مانجاهد لين نقول حي للجهاد
............................ لا ومرنا قايد الشعب امام المسلمين
كلنا للدين حصن حصين وللبلاد
............................ نارد حياض المنايا على دنيا ودين
ياهل التوحيد هبوا ليا ناد المناد
........................... وابشروا بالنصر من عند رب العالمين
نبذل المجهود والله عليه الاعتماد
............................ كلبونا في سبيل الاله مجاهدين
فوق طياره ودبابه وظهور الجياد
............................. حربةٍ مسمومه في نحور المعتدين
العدو يكفيه منا صباح مع هجاد
............................. ضربةٍ يذهل خبرها عقول المدركين
لين ناطى بالقدم كل ضلع وكل واد
............................. ملحقينٍ بالخساير فلول المشركين
دون مكه نجلب الروح في سوق المزاد
............................. طامعين بالشهاده ودار الفائزين
والجزاء من عند رب الملا يوم المعاد
............................. مستلظينٍ بظله وحنا آمنين
يابلادي لا تخافي وحبك بالفؤاد
............................. ماتقرب منك الانذال وحنا عايشين
عاد عيدك يابلاد الحرم يوم العياد
............................. وعاد عيد اخوان نوره ملاذ الخايفين
السعود اسود غابٍ تسود ولا تساد
............................. وارثين حكم الاجداد من طول السنين
الرجال اللي تقود الرجال ولا تقاد
............................. ماتفرط بالامانه يدين المخلصين
محتمين بلادهم بالسلاح وبالعتاد
............................. والرجال اللي تشوق عيون الناظرين
يامولعه الفتن ياقليين الرشاد
............................. عزوة العوجا وراكم كعام العايلين
كان صارت بالتحدي وجا فيها عناد
............................. يفصلون الرأس والعنق مع عرق الوتين
هينين .. لينين .. قويين .. شداد
............................. مايصيدون الرديه يصيدون السمين
للعدو نارد وللاصدقاء سلم وبراد
............................. قايمين بالمواجيب خطلان اليدين
واصلين للمعالي بجدٍ واجتهاد
............................. قادة الشعب السعودي خيار الصالحين
من حربهم والله ان يلحقونه قوم عاد
............................. بقوة المولى تبارك سلاح المؤمنين
قادنا صقر العروبه وحققنا المراد
............................. خادم البيتين موفي حقوق الوالدين
والكلام اللي نقوله صحيح بالوكاد
............................. والسلام ختام قولي عساكم سالمين
الشاعر / فهد خالد بن سوقان الصميلي السبيعي
نقلها لنا محبة فالله الشاعر / محمد بن عايض ابن كايدالقريشي السبيعي
غير متصل
