كن باقصى ضامري ياجماعه نار قز

[المعنا]

مــل قـلــب هـــزه الـهــم والـهـاجـوس هـــز
-
مــل قـلــب هـــزه الـهــم والـهـاجـوس هـــز

وارتجـف عرشـه وزلـزل وجـا فيـه اهـتـزاز

عـقـب ثلثـيـن مــن اللـيـل فـــز الـقـلـب فـــز

مـثـل فـــزة واحـــد واطـــي كـســرة قـــزاز

كـن بأقـصـى ضـامـري ياجمـاعـه نــار قــز

والضـلـوع يلوعـهـا مـثــل ضـــو البـوتـقـاز

وكـن فــوادي مــن عـراويـه بـأمـواس يـحـز

من همومي والهواجيـس فـي صـدري حـزاز

عقـب ذا يـاراكـب الـلـي عـلـى الغـايـه بــرز

جـمـس شكمانـيـن تــوه جـديـد آخــر طــراز

يعجـب السـواق لـي مـا عطـا حــزم الـجـرز

وأن تـحـرك يـقـرب البـعـد ويـشـق الـغــراز

مــن ديــار البـعـد قـلـب العـنـا صـابـه قـلــز

ومـن ديــار البـعـد عــز الله ان القـلـب جــاز

الــغــدا لــــي ســهــل الله بــدايــات الـمـلــز

ثــم يشـيـك مــن محـطـات موقـفـة الـحـجـاز

وغـادر الديـره مـع العصـر يـوم انــه جـهـز

وأنتلـه مرفـوع بالوصـف كنـه أريـل جـهـاز

والعشـا حــول السلـيـل مــع المـغـرب نـجـز

حـايـفـه غـمــر شـقــردي وعـادتــه الـنـجــاز

ثــم تـحـرك والـدريــول يـلــز الـرجــل لـــز

طــول لـيـلـه راح كـلــه مـسـاقـط واجـتـيـاز

والـونـيـت يـشـجـع الـلــي يـحـبـون الــلــزز

لـو يقحـص ويـل طـلـع مــن الـقـاع ارتــواز

كـنـه السـكـران لــي غــزه الشـيـطـان غـــز

عقـب ماأفـلا غرشتـيـن وطــاب لــه الخـنـاز

ينطنـخ ويشـوش ومــن المخـاطـر مــا يـكـز

شـايـف بـعـض الـعـرب كنـهـم عـنـده عـفـاز

لا أشرقت شمس الضحى لي الونيت بكل عز

واقــف فــي وســط ديــرة بـنـي عــم عــزاز
-
حــمـــد هـــــادي الـمــســردي رحــمـــه الله

[ابن مشعب]

ما اقول الا بيض اله وجهك يالمعنا

ورحم الله ابن هادي

[البدر]

لاهنت يالمعنا طال عمرك

وصح لسااااان الشاعر حمد هادي ملايييييين

ولاتحرمنا طال عمرك من النقل المميز

اخوك البدر

[عيسى السبيعي]

رحم الله الشاعر

والله لا يهينك يالمعنا على هذه الجوهره النادره

تحياتي

[كلي مشاعر]

بيض الله وجهك يالمعتا على نقل هذه الرائعه
والله يرحم المسردي

[المعنا]

ما اقول الا

رحمة الله عليك يا بن هادي

[مشعاب]

ما صرت يالمعنا

قصيدة منتازة بالحيل


كثر لنا من هالنوعيات يا بعدي


مشعاب اخو عجراء