منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
لا تحسبنـي باقبـل الـذل والهـون = وأرضى على نفسي هبـوط الملامـة
لا والذي ماغيـره النـاس يرجـون = اللي فلق نـور الفجـر مـن ظلامـة
كرامتي تبقى على الحفظ والصـون = يـا لعنبـوا رجـل بليـا كـرامـة
ماقبل على نفسي صفات اسود اللون = اللي مـن اطباعـه حيـاة اللئامـة
طبعي عزيز النفس بالعـز مضمـون = موتـي ولا عيشـة حيـاة الرخامـة
ما يـوم للوافـي تعاملـت بالخـون = معطي عهد ماابيع مبـدأ القرامـة
على المعزة عشت مغرم و مفتـون = ومن فوق راسي نلت تاج الشهامـة
غصب على العدوان وابليس ملعون = مثل الجبل لي في سماء العز هامـة
التعديل الأخير تم بواسطة محمد المري ; 17 - 01 - 2005 الساعة 00:43
غير متصل
