طــــــاروق مفـــتــــوح يا شعاااااار

[مسفح]

السلام عليكم ورحمة الله وبركاته=المجال مفتوح فقط للشعار؟؟؟

يا صحابنا ملعبتنا سوقها غالي =ما تقبل اللي مامعه جنيه وريالي
لاحدٍ يجي تومي ايدينه على الخالي =الله يعز السعوديه ويحماها

يقولون نار الملعبه تحرق الناس= ليا مرها الجاهل تشب ابهدومه
ترا الشعر له قانون والوضع حساس= ومن خالف القانون كثرت همومه

[المسالم]

انا النار مني دوم تقبس تقباس= وفيها اشتوي منه يقلب علومه
نسيس بيوت اللعب ونجودالساس=ومن عاش له في دار ياخذ سلومه

[مسفح]

حنا ما نبغاك جرة صوت يامسالم=خلك مع اهل المعاني جاهز و والم
لاحدٍ على غير معنى يزعج العالم=الله يعـز السعوديـه ويحمـاهـا

ليا صرت راعي عرف لاباس لاباس = انا ادور اللي ما يخلي لزومه
تفضل وسولف لي من الراس لراس=وحق المواطن حافظته الحكومه

[المسالم]

معي بند قي والسيف وللخيل فراس=واخيل البروق اللي سمرت في تنومه
أنا اشوف لي ناس لها اشكال واجناس=لكن فيه ناس بالحقوق امهضومه

[مسفح]

ليتك تعدل بيوتك قبل تكتبها=ولا تكب الملاعب ماتقربها
نفسك على غير داعي لاتتعبها=الله يعـز السعوديـه ويحمـاهـا

مصيبتك جنحانك ياعباس فرناس=تحسب الفضاء سهلٍ على من يرومه
بنوك الذهب ماهي مثل بنك الافلاس=ومثل المسالم كلنا مانلومه

[المسالم]

تطلع الفضة نهاراللوازم من النحاس=الدهر طاويه ياناس هم بيح علومه
تمشيت في وسط الذهب وأملك الماس=يسيل لعابك لولمسته تسومه

[خالد الشماسي]

مسفح

المسالم




صحة السنتكم ملايين

واصلحوا وحنا متابعين

[مسفح]

[مسفح]

انا تراني ماجيت ادرج الضلع= يابوعمر مثل هذا ليته ايطلع
هذا لو اعطوه خلق الله وجه صلع=الله يعز السعوديـه ويحماهـا

:106068658

على المنتدى يابوعمر حط حراس= لا يدخله غير اللي قويه عزومه
بلشنا بلشنا ياعرب فاهل مدراس = كلامٍ كثير وفايدته معدومه

[البحيح]

ما قصرتو الله لا يهينكم ويعطيكم العافية اخوكم الفارس