وجنب عن الأنذال لو كنـت محتـاج = عليـك باللـي طيبـات (ن) قدايمـه

[المزيني]

هاضت هموم القلب في لجة الحشـا=تشدا امواج (ن)في بحرهـا عايمـه
من لوعـت الدنيـا كفـا الله شرهـا=كـم عيـن تسهروالخلايـق نايمـه
وابنشد العريف عـن طنـب ظالـم=وشلون طنب الظلم تجـلا عضايمـه
نجمه لمـع بيـن النجـوم المرقبـه=قدام نجـم سهيـل تكسـف نعايمـه
يــوم اتذكربالنـجـوم الراحـلـه=وصـل منزلهـا وكثـرت هزايمـه
ولابـد ماتوريـه بقـعـا غيبـهـا=تفتح لها فاو(ن) وسـاع (ن)خريمـه
والدار تـرى عزهـا مـن رجالهـا=يامن قسـا الوقـت هبـت سمايمـه
دار(ن)بليا رجـال تاطاهـا العـدى=كل(ن)يبـى منهـا يصفـي غنايمـه
ولاتـغـرك الدنـيـا تراهامـغـره=لو اضحكت لك يـوم ماهـي دايمـه
وكم كربة(ن) تزملك من بعدها الفرج=يرجي فرجها اللي قسا الوقت ضايمه
وجنب عن الانـذال لوكنـت محتـاج=عليـك باللـي طيبـات (ن) قدايمـه
من قارب اهل الجود يرفون خملتـه=ومن قارب الانـذال تبـدي ثلايمـه
وخويـك اليـا زل ادمــح زلـتـه=خطـاه طوفـه وحتمـل شتايـمـه
اليـا بـلاك الله بخطـو اللـعـاوه=يميل مع نفس(ن)مع الخبـث زايمـه
ما بالخوي نومـاس توريـه العيـا=ياما على راسـه تصخـر حوايمـه
وخلك على القاسين اقسى من الصخر=بالماقـف اللـي يلزمنـك لزايـمـه
لوشفت فـي ماقفـك كيـد وبـلاوي=شيـل البـلاوي ورتكـب جرايمـه
وان جت من الادنيـن خلـك جملهـا=ياصارمايالحقـك منـهـا لايـمـه
واللي تحـف الوجـه عجـل ردهـا=بالفعل قبـل القـول تكثـر ندايمـه
كـم واحد(ن)قـال كلمة(ن)ماحماهـا=بحملـه تثنـى ماتشيلـه قوايـمـه
والنفس بالامجـاد والطيـب عزهـا=وعن الحقيره خـل نفسـك شايمـه
وترى الحقيره كلمة(ن)من حقيرهـا=وسط المجالـس خاثرات(ن)نمايمـه
وان جت مـن الاضـداد ماهوقدهـا=يقتـاده البـيـاع لـلـي سايـمـه
حضه ردي وحضوض غيـره طيبـه=واول ردات الحـظ كثـرت ظلايمـه
ياغابـت العالـم تقفـى اعراضهـا=حتى اللي اطبوق الارض دونه صايمه
يقـدح بخلـق الله ويعـد عيبـهـا=وهـو صوابـه ماتلفـه حزايـمـه
مشى بطوع ابليـس حتـى دهـوره=وعلـى القدايـم ماتفيـده ندايـمـه
ابديتهـا مـن شـان ناس(ن)تنتبـه=قـدام تكتـب للمبـودل عزايـمـه

[جزل العطايا]

لاهنت يالمزيني على النقل الطيب وبيض الله وجهك يالنداوي

[المزيني]

اخي العزيز جزل العطايا

نورت صفحتي بيض الله وجهك لاهنت

ولك اجمل تحياتي يالطيب

[حمد ع ح]

مشكور وما قصرت ولا هنت