ودي العب

[مقطع الازره]

ودي العب واغني واتسللى واقطع الليل ما بينك وبيني
يا سلامي على الحوت المسمى خيال البل من خيار الاسامي

راحت الاوله والثانيه واللي بعدها على طرق الهجيني
كان ختم الاماره في يمينك جاك معروض عرفي واحترامي

[ابن جعوان]

: أخي : مقطع الازرة : بارك الله فيك :

صح السانك وبنانك قصيدة اكثر من راااائعه

ودي ارد عليك ببيت بس خايف تقطع ازرتي
يامقطع الازرة

وانت عارف هالايام كلش غالي والخياطين
عليهم زحمه على شان العطله ونا مو ناقص
امشي بدون ثوب اسمحلي والله
والا تبيني امشي بجنز
هالشباب التالي عيب
وبيض الله وجهك ماقصرت طال عمرك
اصفقلك على القصيدة اللي اكثر من رااائعه


تستاهل

تقبل مروري لاهنت

أخـوك

أبن جعوان

[مقطع الازره]

ابن جعوان ---- الله يعافيك ويسلمك ويبيض وجهك

ما يحتاج وانا اخوك هالرد يكفي عن مية رد

احترامي وتقديري

[حوت البحور]

غن ياصاحبي وأنا بغني والعمر فاني عسى المولى يعيني - ياهلا مرحبابك ياهلابك عندي ربعي عزيزين المقامي -
راحت الثانية والي بعدها أشوفها ياعميلي قدم عيني- وأنا فاهم كلامك وأنت مثلي بعد ياصاحبي تفهم كلامي

[غزاي.السبيعي]

الله يعطيك العافيه ياحوت البحور

لي ساعتين وانا انتظرك انت ومقطع الازره

واصلوا الليــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــل

[حوت البحور]

هلابك ياغزاي ويشرفني حضورك لا خلا ولاعدم

[ابو سعود 99]

الأخوة مقطع الازره وحوت البحور شكراً على هذا الطاروق الجميل حتى وإن لم يطول كما تمنينا منكم ولكن تعوضونا في الجايات أن شأ الله

[مقطع الازره]

ابوسعود

ابشر بالخير الجايات اكثر انشالله

[مقطع الازره]

احد قلبه على الصمان واحد يتل قلبه غلا رنيه وتين
والعرب تعرف اسهيل اليماني في المسانيد والا الجدي شامي

عان راع الطرف يبرا لذودك وانت ياحوت تنظر في القطيني
كم وكم راح من عرب(ن) سماني قبل ما تقطع يدين الحرامي

[حوت البحور]

كان تبغا الصراحه والحقيقة السوق فيه الرخيصي والثميني - مير بعض البشر ياناس غادي مايعرف الحلال أمن الحرامي -
وأنت يالي تفتش فالاسامي الذود ذودي ووسمه من يديني - والخير واجد كثيرن في رصيدي والنور ياصاحبي يجلا الظلامي -