بسم الله الرحمن الرحيم
هو المجدد الكبير الشاعر الفذ / محمد بن عبدالله القاضي الذي ولد في مدينة عنيزة عام1222هـ وكان رحمه الله أديباً محدثاً حلو الحديث كما كان غنياً سخياً ندي الكف عزيزاً في قومه يميل إلى التشبيب في النساء مع عفته وبعده عما يعيبه ويحب المساجلات مع كبار الشعراء مثل الأمير / أحمد بن محمد السديري والأمير / محمد بن علي العرفج و / تركي بن ماضي وشاعرنا وطني مخلص لبلده وقد مدحها بقصيدة عصماء معروفة وبعد القصيدة قال له أمير عنيزة في ذلك الوقت / عبدالله بن يحيى السليم : اطلب الجائزة التي ترغب فقال : أطلب منك أن يكون الضيوف الذين يأتونك قلوا أو كثروا أعرفهم أو لا أعرفهم عندي في اليوم الثاني بعدك يعني( معزومين عندي ) فأعطاه ما أراد وهو شاعر ذو حكمة ودراية يمتاز شعره بالقوة والمتانة وجودة السبك وحسن الصياغة وقد أجاد في كل لون ويسرنا أن نستعرض معكم بعض قصائده يقول من قصيدة عن الدنيا وهي مليئة بالحكم :-
فكـرت بالدنيـا وبيحـت مكتـوم=ما حن في ليحان صدري وحامـي
فكرت ولي بأفكار الأيـام مفهـوم=بقلبٍ شوى جاشه لهيـب الغرامـي
يخفق خفيق اسبوق طيرٍ يبي الحوم=ويرف من جاشه رفيف الحمامـي
شاهدت بالدنيـا عبـارات وعلـوم=وعجايبٍ بأحـوال حـامٍ وسامـي
أسج وأسبح بها كما الغرق بالنوم=كني على لوحِ به المـوج طامـي
كم دولة صالت وزالت لهـا حـوم=أخبارهـم وأذكارهـم كـالحـلامـي
استغفلتهم يـم الأجـداث بسهـوم=يقطعك دنيـا مـا لعيشـك دوامـي
ما قدر الباري على العبـد مقسـوم=يسلم ويرضى بالقـدر والسلامـي
العمر له حـد بـالأوراق مرسـوم=والرزق مضمون حسابـه تمامـي
فلو تسأل اللي عاش به دهر أو يوم=عمره كما اللي عاش به ألف عامي
اصبر إلى منه صفا الدهر لك يـوم=يكويك مسمار على الكبـد حامـي
من خاطب الجاهل جهل منه ملزوم=حده لما ياطـا الخطـا بالحسامـي
من شاف عيب الناس بالعين معلوم=مغرى وعن عيبه عما العين عامي
هيهات من يسلم من الشوم واللوم=رضى الناس فيها غاية ما ترامـي
ولا ذكر مخلوق عن العيب معصوم=إلا الـذي ضلـل عليـه الغمامـي
فكم واحد حده طغى الجهل والـزوم=لما شرب بالكره كـاس الحمامـي
وكم ساري في تايه الراي منجـوم=أصبح بضحضاحِ بعيـد المضامـي
ومن يبذل المعروف بالنذل مليـوم=خاب وخسر من ياصفـه باللئامـي
حذراك خلان الرخـا عدهـم قـوم=خلان من دامـت نعيمـه ودامـي
إن أدبرت دنيـاك عـدوك معـدوم=مـروا ولا ردوا عليـك السلامـي
عنّز الى من ضدك الدهر مضيـوم=عـدً يصـدر حايمـات الظوامـي
والقصيدة أطول من ذلك وله أيضا من قصائد الحكم الكثير يقول بإحداها :-
إلى أبصرت بالدنيا تكدر لي الصافـي=تعذر زماني ما حصل صاحبٍ وافـي
أفيض عليه اسرار مالتـج بالحشـا=وكل شعيب لـه مفيـض ومعطافـي
تخير مـن أجناسـك رفيـق يـودك=شفيق وثيـق يفهـم القيـل عرافـي
يقبل بزلاتـك ويبصـرك مـا خفـا=وقلبـه دربيـل للأبعـاد كشـافـي
من خاطب الجاهل فهو مثل من كشف=وجهه وقابل شعف عاصوف الأصافي
ومن لبس تاج الكبر ما صان عرضه=ولو مطر جوده على الخلـق هتافـي
ومن طاول أطول منه ما استر ساعة=يجاهد جنود وينقسم رايـه انصافـي
وباشر هل المعروف منـك بتواضـع=وهل الشر باشرهم بشـر وتستافـي
فالعوشزه لو هي على النيل ما أثمرت=بورد ويوقى الشوك والغصن غريافي
وأبـرم دواليبـك للأسبـاب ربـمـا=توافـق مفاتيـح للإغـلاق تكافـي
ومن رام صعبـات المشاكـل برايـه=أدرك بها أشيا ما ينولـه بالأسيافـي
وله هذه القصيدة الجميلة حيث يقول :-
جار الزمان وفـرق الشمـل مذلـول=ونفس فجاهـا مـن هواهـا زوالـه
أمسى فقيد الروح ما عنـه مسـؤول=جـرحٍ جريـح الـدم يـاوي لحالـه
بالويـل والولـوال عمـال مشغـولإ=لا ولا حــي رحــوم شـكـالـه
وأصبحت من صرف النيا تقل بهلول=حيران يصفق في يمينه شمالـه
من العام ما عود على الحول مكتـول=وأحصيت ساعاتي برجـوى وصالـه
وبشرت يوم طلوع شعبـان ودخـول=شهر الصيـام أتلفـت أناظـر هلالـه
ودي يزول وفرحتي بـه وأنـا أقـول=الله يعجـل مـا بقـى مـن ليـالـه
أسألك بالمطلوب يـا خيـر مسـؤول=يا من سمك سبـع السمـاء بالعدالـة
وأوفى بسبع الأرض بالعرض والطول=وشرف علـى خلقـه نبـي الرسالـة
بحسناك يا من دام حـي علـى طـول=تلطف بحال اللي بـرى الـود حالـه
على وليف فارق الـروح يـا طـول=ما بـت مستـر الجـوانـب بجـالـه
بالغي غرقيـن علـى غيـر مفعـول=إلا هـوى نفسـي وتشويـق دالــه
لواحظه به سحـر هـاروت معمـول=يوري الرضا لي فـي تغـازل عزالـه
كالورد بالوجنـات وإن بـات مطلـول=وأقفى الزهر مهما ظهر مـن جمالـه
مجمول مدلول لـه الوسـط معـزول=طفـل قمـر بالزيـن بـدر الكمالـه
لو كثر الناصـح فـلا العـذل مقبـول=لكـل يكـون بحـال تدبـار حـالـه
ما أسمع ولا أبصر يا هل الذات وعقول=هيهات من يبغـي الرضـا لا يسالـه
فلا العزا واليـاس والصبـر مجهـول=لا شك باح الصبـر مـا لـي ومالـه
أما قصيدته في وصف القهوة فهي مشهورة لجمالها ورقتها وحسن وصفه لها :-
يا مل قلب كـل مـا التـم الأشفـاق=من عام الأول به دواكيـك واخفـوق
يجاهد جنود في سواهيـج الأطـراق=ويكشف له أسرار كتمهـا بصنـدوق
وإن عن لي تذكار الأحباب واشتـاق=بالي وطاف بخاطري طاري الشـوق
دنيت لي من غالـي البـن مـا لاق=بالكف صافيها من العـذق منسـوق
احمس ثلاث يا نديمـي علـى سـاق=ريحه على جمر الغضا يفضح السوق
أحـذرك بالنيّـه وبالـك بالأحـراق=واصحا تصير بحمسة البـن مطفـوق
إلى اصفر لونه ثم بشـت بالأعـراق=وصارت كما الياقوت يطرب لها الموق
وعطت بريـح فاضـح فاخـر فـاق=ريحه كما العنبر بالأنفـاس منشـوق
دقـه بنجـر يسمعـه كـل مشتـاق=راعي الهوى يطرب إلى طق بخفوق
وكبـه بدلـة مولـع كنهـا سـاق=بنـورة منصوبـة تقـل غـرنـوق
خله يفوح وراعـي الكيـف يشتـاق=إلى طفح له جوهـرصـح لـه ذوق
وزله على وضحا بها خمسة أرنـاق=هيل ومسمـار بالأسبـاب مسحـوق
مع زعفران والشمطري إلى انسـاق=ريحه مع العنبر على الطاق مطبـوق
وإلـى اتفـق هـذا وهـذا بتيفـاق=صبه كفيت العوق عن كـل مزهـوق
بفنجال صين صافي عنـه الأرمـاق=يطرب الكرسيه مع البـال معشـوق
شكله على الفنجال صبغ كما الـراق=أو دم قلـب وانمـزع منـه معلـوق
راعيه كنـه شـارب ريـق تريـاق=كاس الطرب وسرور من ذاق له ذوق
إلى انطلق من ثعبتـه تقـل شبـراق=دنق تصور بالحمامه علـى الطـوق
يعتاض عن خمر السكـارى بتريـاق=غرو تشف شفـاه والعنـق مفهـوق
عبث يعيـل بحبـة منـه مـا مـاق=وهو يشابه ساطـع البـدر بشعـوق
وإلى عنج في وجنتـه بـارق حـاق=عجل رفيفه بالطها القمـح مطبـوق
والعنق كن الورس والمسك بـه راق=مع مشخص في صدره الشاخ مذلوق
يمشي برفق خايـف مدمـج السـاق=يفصم حجول ضامها الثقل من فـوق
إلى صفا لك ساعـة وأنـت مشتـاق=اقطف ثمر ما لاق والعمـر ملحـوق
أول صوابي رنـة الحجـل بالسـاق=وحجول من تشكي خلا خيله الـذوق
والله لو يمشـي شفـاق بالأسـواق=من الملا ما يمطخ الخمس مخلـوق
وإلى حصل ما قلت عندي فـالأرزاق=في يـد كريـم كافـل كـل مخلـوق
وله هذه القصيدة التي قالها في مدينة عنيزة مادحا مما دعا أمير عنيزة في ذلك الوقت / عبدالله اليحيى السليم إلى أن قال له : اقترح الجائزة التي تريد فقال : شاعرنا / محمد القاضي أطلب منك أن يكون الضيوف قلوا أو كثروا، أعرفهم أو لا أعرفهم عندي في اليوم الثاني بعدك يعني ( معزومين عندي ) فأعطاه ما أراد يقول في قصيدته :-
لعـل بـراق صــدوق خيـالـه=محـن مـزن مرجهـن وهطـال
حين ارتكم كنه شوامـخ جبالـه=مترادف ذيله يجي سيلـة ارسـال
لجب إلى ربـرب ربابـه صبالـه=من الشرق نسم رد الأول على التال
تشوف عياز المزن وقت احتمالـه=طبوق بجنحان الخضاري له أمثـال
تنظر خشوم المزن يوضي بجالـه=صفايح الفضـه بصالـوخ صقـال
لكن طفـاح الربـاب احتبـوا لـه=هجمـة مغاتيـر حداهـن خيـال
كن الرعد به والبـروق اشتعالـه=تتيبع أطواب الفرنجي إلـى صـال
ونضناض برقه في مثانـي خيالـه=لا نشروا شرع المراكب بالأدقـال
إلى هل طار غبـار خـده وشالـه=والتج وديان الوعر والسهل سـال
يسقي مفالـي ديـرة ضـم جالـه=ما يعجب الناظر بشوفـه ويهتـال
برباه حور العيـن يسحـر جمالـه=وحماه هو مربى الجوازي والأطفال
دار لنا وادي الرمه عـن شمالـه=غربية الضاحي وشرقيـة الجـال
في روضة شرف المبانـي قبالـه=لجة غروس دايـره تقـل تفصـال
غيـن وبساتيـنٍ ظليـلٍ ظـلالـه=متمايلٍ كالـدّوح شاملْـه الإقبـال
فسايـل كالتيـن يـا حـي فالـه=وفواكه فيها الثمر والحمـل مـال
كالليل ولا الحشـر لجّـة محالـه=ماها ومرعاهـا مـزّي وسلسـال
جار لنجـد مشـرع كـم عنالـه=راج ومحتـاج ولافــي ونــزال
والضيف هو وإيا الضعيف ارتكاله=اكرام النفوس أهل القواعد والأفعال
دارٍ يجير الجار بـه مـن جلالـه=ويشمل من الباري بها عزّ واقبـال
دار النّـدى دار السعـد والشكالـه=ما ساقت الخاوة لـلأول ولا التـال
حموا حماهـا بالمراجـل رجالـه=لين أوحشوا من جا لجاله بالأفعال
صالوا وصادموا الدول دون جالـه=بحربٍ وضربٍ يسند العايل إلى عال
براي وتدبير وعقـل وصمـالـه=وصبر وتقديـم وتوخيـر الأحـوال
بعزمٍ وجـزمٍ كـان همّـوا بقالـه=ما ثمّنـوا أو طاوعـوا شـور ذلاّل
فإن بركوا للـراي شالـت حمالـه=زمل التخوت اللي يشيلون الأثقـال
شالوا حمـولٍ ما يـراوز مشَالـه=العفو ما اصبرهم على كلّ الأحـوال
أخيار وأشـرار إلـى جـا مجالـه=وعقّال في حالٍ وفي حـال جهّـال
عـدامٍ شغاميـمٍ كـرامٍ سبـالـه=هم سورها وحماه كان الوحل حال
يعجبك مرباع الغميس إن غدا لـه=نور بنوّاره وبـأزهـاره أشكـال
ما حدّر الـوادي وغـرب شمالـه=من وادي الروضه إلى خشمه العال
ومقياضها حدّ الوعر مـن سهالـه=رامه ومهره والبريقا إلـى الجـال
أمٍ لنـا مـن عقّهـا مـن عيالـه=عِدْم البصر والسمع والمال ورجال
وصلّوا على المختار ختم الرسالـه=بأزكى صلاة تبلـغ الصحـب والآل
هذا والله يحفظكم ويرعاكم منقول بتصرف مع خالص التحية وأطيب الأمنيات وأنتم سالمون وغانمون والسلام .
غير متصل
رد: شاعر نجد المجدد الكبير / محمد بن عبدالله القاضي رحمه الله
