لاد صـــــــــامــــــــــــل

[رفاع]

بيض الله وجهك يابو فايز على القصيدة الجزله

[الحميدي السويدي]

صح لسانك يابوفايز


وبيض الله وجهك على هالقصيده الجزله


وابوصامل يستاهل وننتظر الرد من ابو صامل

[مبارك البخيت]

المشاركة الأصلية كتبت بواسطة خالد الشماسي

بيض الله وجهك يا أبو فايز



قصيدة رائعة جدا بروعة كاتبها شاعر له مكانة ونحفظ قصيدة ومنه تعلمنا جزالة الشعر ورقي الفكر


دمت اخي مبارك لنا في شبكة سبيع بتواجدك و قصائدك الأكثر من رائعة


وابو صامل يستاهل وننتظر رده على هذه المعلقة


لا هنت

ووجهك طال عمرك .. وما عليكم زود
وهذا قليلٍ في حق الصميلي

[مبارك البخيت]

المشاركة الأصلية كتبت بواسطة مصلح ربح

اهلا وسهلا با الشاعر المبدع مبارك البخيت

اهلا وسهلا بشاعراً ملك قلوب الملايين

بشاعريته الفذه فهو من اكبر شعراء القبيله

لايستغرب هذا النبع الصافي من الرجل الوافي

اهلا وسهلا بهذه القصيده الغاليه على نفسي

والتي وصلت عبر هذا الصرح الشامخ

من رجل غالي على كل القبيله

ارحب بها مقدماً وسوف يتم نشر الرد

انشاء الله تعالى

تبقا تبقا .. طال عمرك وأنت تستاهل أكثر ، والطيب طبعك ولا هو تطبع أو تصنّع منك

ننتظر الرد .. وبلّغ سلامي بالنيابه إلى كل صميلي صغيراً كان أو كبيراً
تحيتي ..

[مبارك البخيت]

حياكم الله جميع ونتطلّع لما هو أفضل دائما
وأطلب من الله أن يدلني أنا وإياكم وجميع إخواننا المسلمين إلى ما يحبّ ويرضى أولا
ويدلنا على الكلام الجزل النضيف من قصيد أو غيره

تحيتي .. A b u - F a y e z

[مصلح ربح]

ابو فائز استلم الرد الله لا يهينك والمعذره على القصور

يامرحبا واثني جزال التراحيب=فيها الوفا لهل النفوس الرحيبه
يا مرحبا بكتاب راع المناجيب= اعداد ماسارت اخطاها النجيبه
يا مرحبا يامرتب الشعر ترتيب= ترحيبت(ن)تطلع بعال الرقيبه
نطلع بها في عليات المراقيب= بالطيب ماسارت اخطاها غصيبه
حنا لها يا ابن البخيت معازيب=بحلالنا تلقى معزه وهيبه
رسالة الطيب لها حق(ن) مصيب=من طبعنا راع الوفاء نحتفيبه
واجب علي اصغي با الاسماع واجيب=وابحث عن الطيب لقدره واجيبه
ونفتح لها حدب الضلوع المحاديب=وتصغي لها افكار العقول اللبيبه
بالذات لاجت من حشام الاصاحيب=من شاعر(ن)نفخر به ونشتقيبه
شهم(ن) يهذب شرد الشعر تهذيب=حتى تجيه الشارده مستجيبه
يصوغها من محكمات الدواليب=وان كبرت القالات يدرك طليبه
ياابن البخيت يا حصان الاطاليب= يا سعد من فى النايبه ينتخيبه
محمدي ذخر الرجال المعاطيب=اهل المواقف والفعول العجيبه
وقفاتهم في شف عرب(ن) حنازيب=ترعى زماليق الفياض الخصيبه
من دونها يردون للموت لاهيب=رجالهم وقت اللقاء يندعيبه
با المارتي والآ وساع المضاريب=شلف(ن) مضاربها تسد التريبه
وحنا سندهم فى السنين الشلاهيب=اليا انتخا خطو الشجاع بقريبه
والله ولا علم(ن) يجي فيه تعقيب=لاصار ماله ساس ما نستنيبه
وارجع لبو فائز حميد التعاجيب= اللي بعلم الطيب كلف صحيبه
كلف ولد راضي خيار المناديب=وافي وفي حمل الرساله ينيبه
حر(ن) اليامنه صطى با المخاليب=تبين وقعت صطوته فى الضريبه
وفزعاتنا نفخر بها فى الاجانيب=اليا نخونا والمواقف عصيبه
ورفيقنا نفزعله بدون تحسيب=فى الواجب احقوقه علينا غصيبه
والله ماذخرعنه كود العذاريب=حتى على راسي تحط النصيبه
واللي بفعل الطيب ماله مجاذيب= لايامن الوقت الشقاوي وغيبه

0

[فـــالح السبيعي]

المشاركة الأصلية كتبت بواسطة مصلح ربح

واللي بفعل الطيب ماله مجاذيب= لايامن الوقت الشقاوي وغيبه

0

الله الله
يامصــلح ربح
لله درك مراسله رااائعه إستمتعنا بالرساله كما إستمتعنا بالرد
صح لساااانك يابوصااامل رد جزل ووافي مايحتاج ويستاااهل إبن بخيت
ونعم فيه وونعم بآل محمد ويعطيكم العافيه

[مصلح ربح]

لاهنت يا بو بندر


شكراً من الاعماق على هذا المرور الكريم

[بن مويهان]

ونعم وتستاهلون يالادصامل
اخوكم كاتم الاحزان

[ابن باتل]

بيض الله وجهك يالبخيت على هذه القصيدة وبيض الله وجهك يابو صامل على الرد متميزين ومبدعين

لكم مني التقدير