:D واااااااااااو :D
والله يالي ماطلع للبر هالأسبوع ماعنده سالفه
بصراحه أعجز اوصف لكم المطر والأجواء
ياااااااااااااقربك مني يالمولع ;)
أسعد الله منهو شايفاً خشيشتك ومتقهوى معك
وينكم عن الصراقيع الي قبل صلاة المغرب
يوم الخميس عساكم سالمين
يا شباب حركنا راجعين من شرقي عمر الساعه 4,30 عصر الجمعه
ويوم قطعنا الحمراني في الخبه الي بينه وبين أبا الثمام وهي تبسنا
صدق سذب واللهً تقول منطلق علينا بزبوز وفيها لين أقبلنا على رماح
ونظهر من رماح ونقبل على الغيلانه الين شعيبها المسمى((شعيب الثمامه))
على قولة البدو عين طير ومنه نتعرض الخويش ونفش السي
وكذالك يوم فهقنا هالشعبان وأقبلنا على الحفاير
وتقبل علينا ذيك السحابه والله أنها دخلتنا الروعه
يوم شفناها سووووووودا مدلهمه لها دبكي تقول ورعان محولين لهم مع درجه :D
وحطينا في خطيطه وفيها الين دخلنا الرياض
مع العلم أنا من يوم أقبلنا على الخط السريع وأنا نمشي ونوقف
بصراحه شي خيالي يعجز السان عن وصفه والمصابع على كتابته :D
تكفيكم الروح العاليه من بعد هالمطر وبالأصح الطلعه الخطيره
ابن جراح أبشرك لقينا فراااااج وحطينا له شبكه في ظهر حمامه
;)
بس الماخوذ راح بالشبكه الله يغربل عدوه
;)