منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
شويه واهلها
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
جـابـتــنــي الـــدعـــوه لــشــويــه واهــلــهــا
ربــعــي هــــل الـطـالــه طـلـيـقـيـن الايــمـــان
يستاهلون والله اهل شويه وانت يالسيف بيض الله وجهك على هالقصيده الجزله من شاعر جزل
جابتني الدعوه لشويه واهلها = ربعي هل الطاله طليقين الايمان
ربع لخلاق الخلايق عملها = في وجيهها نور وفي قلوبها ايمان
للخير واهل الخير تفتح فللها = ما قفلوا بيبانها دون الاخوان
حطوا مخيم واعلنوا محتفلها = ذكر وحديث وكل قول وبرهان
جاله قريب شاف نوره ولاالها = والي عناله من بعيدات الاوطان
ربع بحب الخير ربي شملها = تتعب وتبذل في حجى الرب غفران
سجلها التاريخ باروع مثلها = يوم المعارك واختلافات الاوزان
يشهد لهم سهل البلاد وجبلها = ومشايخة نجد العذيه والاعيان
اخذوا لهم دار صعيب نولها = يوم القا بالرمح والسيف والزان
دار عشقها ابطال ماحدٍ جهلها = لكن جاهم قومٍ ابطال شجعان
لا جا نهار الحرب يعجب زحلها = يضرب على روس العدى ضرب سلطان
رجالهم روحه في كفه حملها = كنه على حوض المنيات شفقان
اديارهم يوم الحمى ما نزلها = الا الطيور الي تخافق بجنحان
تامن رعيتها وتامن هملها = ويامن حماهم كل خايف ووجلان
على قراح العد يزحم جملها = يشرب قراح العد لا جاه ضميان
تارد عدود الماء وتترك ثملها = وترعى الحيا قفر بعد كل ودان
عقال كان الناس ربي عقلها = جهال لا جاء في الموازين نقصان
وافعالهم بالطيب ما حد فعلها = لاجالهم عقب المشاوير ضيفان
مجالس راع الردى ما دهلها = تلقا بها غير ازرق العود فنجان
مع هرج اطيب من روايح نفلها = وذبايح جزلات وكبار وسمان
تسبق على الطالات والله جعلها = مثل القمر في اليل الاسود ليا بان
والا الجبال الي يذري عبلها = الي صفاها من صفا صاف صوان
هذا وانا زاير زياره ثقلها = من رنيه الفيحاء مراسيل شيخان
منهم تحيه والتحيه نقلها = ابحيحي اشماسي من اسبيع وديان
اعيال عمي عزوتي واعتزلها = لا كلحت الانياب فالكل سبعان
واختم واصلي عد ما انبت سهلها = على الرسول المصطفى نسل عدنان
قال تعالى ( كيف تكفرون بالله وكنتم امواتاً فأحياكم ثم يميتكم ثم يحييكم ثم إليه ترجعون )
غير متصل
لمواضيعي
