قصيده لشاعر سعد بن هندي السبيعي في افتتاح المخيم الصيفي برنيه

[ابو مساعد1]

الله يحييكم ويسعد مســـــــاـكم = في موقع ٍ شيد على الدين ساسه
من شاعر ٍ منكم يهمه رضــــــاكم = الدار داره والمعـــــــــازيم ناـــسه
وحضوركم شّرف وهو من وفاكم = يــــــــسر من شافه ويبعد عماسه
وهذا مخيمـــــكم على مبــتغاكم = دعوه وطاعه واجــــتماع ووناسه
جيتوا لداع الخـــــير في ملتقاكم = في مجلس ٍ يُنسي العنا والـــتعاسه
في مجلس الايــــمان ربي رعاكم = وصارت ملاـــــئكته عليــكم حراسه
تُمحى خطاياكم وتحـسب خطاكم = ويعمــــــكم نور الــهدى واقتباسه
في طاعة اللي ما يخـــيب رجاكم = يعطي على جـنس العمل في قياسه
ويا أهل العقول الواعيه ما خفاكم = من واجــــب ٍ يلزم علينا اللتـــــماسه
هوواجب الدعوة عمل مصـــطفاكم = وظيفة أشــــرف من وطاها مـــداسه
والعلم والتــــــقوى وصادق ولاكم = هن منتـــهى الحكمة وراس الكياسة
مع تربية الأبناء على نهج أباكم = وترى الـــــــتطرف ينتج ألانتـــكاسه
وعيالكم هم زرعكم من صـــباكم = ومن اللــــــــــزوم ارعايته واحتراسه
من لا حفظهم طــــــيب الله نباكم = ما حصل المقصود لا شــــــاب راسه
الله يحّفظ بلادكم ويـــــــــحماكم = ويرد راع الكيد ويكــــــــف بأســــــه
وأنتم بخــــــير وعز والله حباكم = من حكــــــــموا بالشرع نهج الرياسه
دولة هل التوحيد تقــــــهر عداكم = الدين ما يرضــــــــــون لاحدٍ مساسه
واليوم أبو متعب على الشعب حاكم = والعفـــــو والإنــــــفاق عنده سياسه
يسلم لنا ذخر البــــــــــــلاد وذراكم = له فــــــــــوق تاج العز درعه وكاسه
ويا أهل الكرم لا تبخلون بدعـــاكم = لملــــــبسين الحــــفل زاهــي لبــاسه
قاموا بتنظـــيمه لشـــــروى لحاكم = وبرامــــــــــجه توضع بفكر ودراسه
بجهـــــودهم صارت سنـــينه تراكم = وفي كل عام يمـــــــــــر يقوى مِراسه
ودُعاتنا ســـــــيروا وحنــــا وراكم = في خدمة الدعـــــــــوة بجد وحماسه
وامشوا على هدي النبي في هداكم = بالليـــــــن والرحــــــــمة وضـــد الشراسه
وصلوا على المختار يســــعد مساكم = في موقع ٍ شـــّـــــــيد على الدين ساسه

[/poem][/poem][/poem][/poem]

[أبو يزيد]

اخوي /ابومساعد1

سلمت يمينك على النقل الرائع
وصح لسان الشاعر/سعد بن هندي
وبيض الله وجهه.

[ابو مساعد1]

الاخ ابو يزيد اشكرك على مرورك والمنتدى يستحق مثل هذه القصايد المنتقاه