خل المقفي ولحـق امقيـط الامـراس

[أيوعادل]

قلت هذه القصيده عندما بشروني في افتتاح قنات (نايلات ) في حائل

مـن المدينـة قاعـدة قـوة الجـيـش=درع الجزيره لاغـدى الجـو لـولاس
ارسلـت منهـو ضاريـا للمغابـيـش=لا همه الطرقـه ولا هـاب الادمـاس
فوق اشهباً تحلـى عليـه المطاريـش=شاص جديـد مـن حفيـزه بقرطـاس
تشـدي مقاديمـه شنبـات شـاويـش=من ابطال سيناء ما ثنا دونـه اليـاس
ساعة كفـخ بـس الصيـاح ولواليـش=الجادل اللـي تنتخـي قـدم الافـراس
اخوانهـا قـدام عيـنـه مطاشـيـش=راحو فـوات ولفظـو تـال الانفـاس
ولحق الطلب من شوق راع العكاريـش=وتبينت له وارتمـت غطـوة الـراس
حين اعتزتبه ونتخى صابـه الطيـش=تقـول فعـل الدريفلـه يـوم لـه داس
ويوم اعترض عرق النفـود المهاليـش=ودقت مثاقيلـه علـى دنقـل الشـاس
خطو اشقرن يوم اعترض لابرق الريش=لاضـف جنحانـه نواديـر قرنـاس
تقـدح مواخيـره كمـا طلقـة النيـش=شعال ناري من هـوى حـر مانـاس
تقسم ماهو منقـاش عشـرة مناقيـش=شبل الطنأيـا يـوم حـول بالأنجـاس
مشيـه قطـوع مـا لتفـت لتفاتيـش=ومن دون حايل ماله القـرم مجـلاس
ملفـاك نسـل لـرجـال المداغـيـش=عادل ولـد سلطـان مجلسـه نومـاس
أسلـم وسلـم يـا حصـان الاباليـش=لاهل القناة اللـي لهـا صفـق النـاس
ونعـم القنـاة اللـي بليـا تخـاديـش=يستاهل اللـي اسسـه رفعـة الكـاس
مع ( نأيـلات) كنـي بحايـل اعيـش=قطب الشمـال ودرة الكـون والمـاس
اللي عليهـا عـروق قلبـي معاطيـش=عشته طفولة حب هي مبتـدى السـاس
يا ما حـلا والجـو فيهـا رشاريـش=في طلحتٍ ما بين ضلعـه والاطعـاس
ومع ايمنك طلـق الوجيـه المباشيـش=هذه طرات العمـر عنـدي ولاونـاس
تسوى حياة اللـي سـوات الخفافيـش=بقصى زوايا الـدار اسيـر للاتعـاس
اضـرب فيافـي الخـلا والنشانيـش=يرزقك منهـو كافلـن رزق الاجنـاس
ورابع اصيل وخـل عنـك الاكاديـش=ما تقضي الحاجـه مهابيـل مـدراس
يا تيـك واحدهـم يـورش تواريـش=كلام ليـل ينقضـه صبـح الافـلاس
وحذرى تسمع نـا قليـن الوشاويـش=تصبح بـلا قيمـه وحشمتـك تنـداس
ورفع جنابك عـن دروب الدراويـش=وخل المقفي ولحـق امقيـط الامـراس
تمت وصلـى الله علـى سيـد قريـش=شفيـع حـق يـوم الاريـاق يـبـاس

أخوكم/ ابوعادل
مقبل الشمري

[فـــالح السبيعي]

ياسلام ياسلام ياسلام

والله يامقبل الشمري فوق الوصف

صح لسااااانك مليون

مفردات جميله جداا ونظم راااائع لا نملك أمامه إلا الإعجاب

الذي يفوق الوصف.....سلمت وسلمت لنا قريحتك وإبداعك

وصح لسااانك مره أخرى يابوعادل

[عيسى السبيعي]

صح لسانك يامقبل الشمري مليون
على هذه الدرة الجميله التي قل
وجود مثلها في هذا الوقت واللتي
تجبرك على قرائتها اكثر من مره
تسلم يالغالي على هذه الرائعه الجميله
تحياتي لك

[أيوعادل]

المشاركة الأصلية كتبت بواسطة فـــالح السبيعي

ياسلام ياسلام ياسلام

والله يامقبل الشمري فوق الوصف

صح لسااااانك مليون

مفردات جميله جداا ونظم راااائع لا نملك أمامه إلا الإعجاب

الذي يفوق الوصف.....سلمت وسلمت لنا قريحتك وإبداعك

وصح لسااانك مره أخرى يابوعادل

مراقبنا الغالي اشكرك كل الشكر على الاطراء الطيب
وكلامك وسام شرف أعتز به

[أيوعادل]

المشاركة الأصلية كتبت بواسطة عيسى السبيعي

صح لسانك يامقبل الشمري مليون
على هذه الدرة الجميله التي قل
وجود مثلها في هذا الوقت واللتي
تجبرك على قرائتها اكثر من مره
تسلم يالغالي على هذه الرائعه الجميله
تحياتي لك

اخي عيسى اشكرك
وهذا من ذوقك بارك الله فيك وجزاك الله
خيراً على هذ الاطراء الطيب والمشجع على الاستمرار
بهذا المنتدى المميز

[ابومحمد11]

ابو عادل


جزل طال عمرك

تقبل مروري

[راعي مرات]

المبدع
ابوعادل
مقبل الشمري


تسلم

أبدعت وربي


بورك فيك