قصيده في فوز ابل السبيع بجائزه الملك عبد العزيزلعام 1423هـ

[سعد بن شليه]

سبيع فازت جابت الفـوز فوزيـن = وذي عادت الغلبا بكسب النفايـل
قدم القبايل قدم حفـل السلاطيـن = نالت شهـادة مكرميـن القبايـل
وذي عادت الغلبا بقلب الموازيـن = وذي عادت الغلبا علي كل طايـل
وبواشنـا لزيـن فيهـا براهيـن = وبواشنـا لزيـن فيهـا دلايــل
والوضح منهن تبهج القلب والعين = والصفر منهن ما لها مـن مثايـل
والشعل منهن تكمل الزين لزيـن = ويا زين فوز معبسـات الشمايـل
سلايل لسبيع امنـول وذا الحيـن = سلايـل فيهـا تزيـن المثـايـل
ونا انهنـا مـن جميـع المهنيـن = ومبروك تثنيها اعيـال الحمايـل
ومبروك للغلبا سبيـع المسميـن = ومبروك ارددهـا لاهـل الجمايـل
ويا الله عسا غر السحايب لنا تبين = وتروى وطنا لين تمشى المسايـل

[المولع]

سعد ابن شليه

صح لسانك مليارااااااااااااااااااااااااات

وبيض اللــــــه وجهك

ووجيه بني عمي كلها على كسب النفايل

[سعد بن شليه]

اخوى المولع صح بدنك واسعدنىمرورك ومشكور على الرد الجميل







تقبل تحياتى

[اخو شما]

ارحب ياسعد مرحبا والله ومسهلا
صح لسااااااااانك ياكحيلااااااااان
ولاعدمناك
حياك الله بين ربعك واخوانك
اخوك
اخو شما

[طويق]

أرحب يالشاهين
وصح لسانك

لاعدمناك


لاتقاطعنا

[سعد بن شليه]

اخوى اخو شما صح بدنك واسعدنى مرورك ومشكور على الرد الجميل










تفبل تحياتى

[ابن جـــــــراح]

سعد بن شليه

صح لسانك ملايين

قصيده جزله يا سعد ما يجيبها الا الجزل

تقبل تحياتي

[ابو تركي]

الله الله يابن شليّه



صح لسااااانك ولا هنت على قصيدتك الطيبه وحمياك الحاظره




لا هنت لا هنت

[سعد بن شليه]

اخوى طويق صح بدنك ومشكور على مرورك الكريم

[رشاش السبيعي]

صح الله اللسانك بن شليه

شعرك عجيب