الاخوة الكرام / مهوب من كثر قصائدي، ولاقوة شعري ,ولاارى نفسي بين شعراء
منتديات سبيع الغلباء الاذلك التلميذ الذي يراقب استاذه كي يستفيد ،ومااكثر الاساتذة
الشعراء ولله الحمد في سبيع هل الغلباء0
ومدام القصيدة طلبها مثل مايقولون ثمنها -- آمل ان تحوزقصيدة هلابك على بعض
الرضاء من الجميع 0
وللبدر ماطلب اهداء خاص
أنام بلوعة الفرقا واقوم بفرحة إنك جيت=واثر طيفك غزاني فالمنام وقمت اهلي به
هلابك كثر ونات بنت في بالمواجع بيت=هلابك كثر هم ٍ شب في جوفي مشاهيبه
هلابك كثر مافكرت بك من يوم ماقفيت =هلابك كثر شوقي لالفى طيفك معازيبه
هلابك كثر ماشلت الهموم وكثر ماعانيت=هلابك كثر ماحصـلت من حظ الشقاخيبه
هلابك كثر ماخط قـلمي ذكراك عقب ابطيت=هلابك كثرماكـتب فيك من شعري واغني به
هلابك كثر ماطروك لي وللسعه هجيت=هلابك كثر ماعديت رجم عاوي ذيبه
هلابك كثر ماصمت رمضان وكثر ماصليت=هلابك كثر من زارالحرم واللي يصلي به
هلابك كثر طيب عند زاهي يوم اناخاويت=وكثروقفات ابو نواف معنامع تراحيبه
هلابك ثم هلابك ثم هلابك ثم هلا أوحيت=هلابك كان توحي قل حبيبي حبك ادري به
ترى من روحتك لاني بلاحي ولاني ميت=نحل حالي وراسي لو تشوفه كاثر شيبه
احبك لارحم جدك ولااذكر عنك انا سجيت=ابوك اسمك فضحني فالبشر لانمت اهذري به
احبك لارحم جدك ولاطروك لي فزيت=واصيح بكل صوتي ياجماعه من يجيني به
وانااحبك واحبك كل ما حبيتني واوفيت=وبالبـْسك الغلاعقد ٍ من اللولو تماري به
لكن احذرتراني باتركك رغم الغلا لاخطيت=وبالملم جرح قلبي وارفع الهامه واقفي به
اموت احسن أموت ولايقولوا هامتك وطيت=لعذرا وانت من لابه لها قيمه لها هيبه
لكن ارجع ابوك ارجع تراني للأسف وليت=اقوله وانت حبك دم قلبي في مخاليبه
انا لابعث ابوك ازريت من طول الفراق ازريت=انا لابعث ابوك الموت منك اليوم محري به
لكن اشهد شهادة حق لك باقصى الضماير صيت=يغطي صيت من له صيت لاشك ولاريبه
غير متصل
