سوبر ستااااااااااااااااااار

[ابو مترك]

الـى متـى وافعالنـا شجـب وانكـار" = "واحقوقنـا تسلـب ولافـيـه غيره
اخواننـا قاسـوا مـرارات الاشــرار" = "بين اليهـود وبيـن بـوش وخشيـره
في القدس سلب ونهب واسراف واخطار" = "يفرح بهـا شـارون وتفـرح حميـره
واليـوم فـي بغـداد ياموقـف العـار" = "تجمعـوا الانـذال مـن كــل ديره
وامة محمد جت على الواهج الحار"="تفرقت الارياء على غير خيره
أقفى عليها بوش قفاية الفار"="وهي تجهول قدم عينه كسيره
وحنـا نصفـق للـخـلاوي وبـشـار" = "ونشجـع محـمـد عطـيـه ومـيـره
ماهمنـا الا متابعـة سـوبـر سـتـار" = "يالله دخيلـك مــن حـيـاة مـريـره
ويـن الحـرار الـي مربيهـم احـرار" = "احفـاد سعـد وعامـر وبـن المغيـره
وين الرجال الـي لهـم بالوفـى كـار" = "اهل المواقف فـي الظـروف الخطيـره
يالله طلبتك ياعليم بالاقدار"=" يالي تعلم الغيب وخافي السريره
انك تبدل ذلنا عز واذكار"="وتعيد ماضي مجدنا في مسيره
والله ثــم والله مايطـفـي الـنــار" = "الي لهبهـا فـي الوطـن لـه سعيـره
الا الجهـاد أووقفتـاً تحمـي الــدار " = "مـن سربةٍعنـد المواقـف شطـيـره
وصـلاة ربـي عـد همـال الامطـار" = " عـلـى نبـيـاً ماقتدينا بغـيـره

تقبلوا تحيات اخوكم ابو مترك

[عبدالله القريشي]

الاخ /ابومترك


صح لسانك على هذه التحفه الرائعه ويسعدني انني اول

من تمتع يقراءتها والنصر قادم يا بو مترك ان شا الله

الف شكر لك وتقبل تحيات اخوك عبد الله القريشي

[ابن جـــــــراح]

مبدع
مبدع
مبدع

يا ابو مترك

صح لسانك على القصيده الجزله

وبيض الله وجهك على اتحافنا بها

رائعه من رائع

تحياتي لك يا ابو مترك

[طويق]

صح لسانك منييييييييييييا إلى هنااااااااااااااااااااااك

بيض الله وجهك .. ياولد قصيد على اسمه

ياخوي ماتسمح لي أجاريك

[المولع]

صح لساااااااااااااااانك يابومترك

قصيده رائعه بمعنى الكلمه

مره ثانيه صح لسااااااااااااااانك

ودام لنا تواصلك

[ابو مترك]

الاخوه الاعزاء/عبدالله القريشي/ابن جراح /طويق/ المولع اشكركم على مروركم الغالي.

تحيات اخوكم ابو مترك

[سعد بن جراش]

صح لسانك يابو مترك

قصيدة رائعه تحكي الكثير من الواقع

عسى الله ينصر الاسلام والمسمين في كل مكان


ودام لنا هذا التواصل

[ابو مترك]

استاذي الغالي سعدبن جراش اشكرك على مرورك لغالي الذي اسعدني كثيرا.


تقبل تحيات اخوك ابو مترك.

[ابن شطيط]

لله درك يابو مترك

وصح لساااااااااااااانك ملاااااين

والله ينصر السلام والمسلمين

التحيه لك يابو مترك

[ابو مترك]

اخي العزيز ابن شطيط اشكرك على مرورك الغالي يالغالي.

تحيات اخوك ابو مترك