قصيده عايش القريشي في ربعه

[فهيد القريشي]

يالابتـي قامـت لدنيـا رحاهـا تـدور= شفت المهبـل تفتـل روس اشانيبهـا
اليوم شاخت وحلت في محل الصقـور =والمسبعه شـاخ ثعلبهـا علـى ذيبهـا
لاوالله إلا دبور(ن)مابـعـده دبـــور = من يوم شهب الرخم مـدت مخاليبهـا
أحدن يطق الحصى واحدن يحرث القبور = واحدن ليـا ولعـت يلحـق مشاهيبهـا
امنول الغيظ مكتوم(ن)بوسط الصـدور = كلـن علومـة مقفلـتـن دواليبـهـا
واليوم يمشيبها فالناس عميـن وعـور = وأهـل الكلاليـب جاهزتـن كلاليبهـا
وحنا حفضنا العنوه من قديم العصـور = نحمى العواني ونافـي فـي مواجيبهـا
وبعض العواني كفو ماقول فيهم قصور = اعنوته لـو يجـور الوقـت ياطيبهـا
وبعض العواني رماح(ن)طعنها فالظهور = عقرب ثـراء تندفـن والسـم فذنيبهـا
يالابتي فوق راس الضلع عدو اسبـور = والريـع مقعـود والاخصـام تدريبهـا
ان مجتمعنا على كلمة ورايـن وشـور = سـود اليلـي نزلنـا مـع عراقيبهـا

للاستماع للشيه اضغط هنا

[نبع الوفاء]

صح لسان قائلها وتسلم يمين ناقلها

مشكوور اخوي فهيد القريشي والله لايهينك

[فهيد القريشي]

لاهنت ع مرورك

تشرفت بتواجدك

[فهيد القريشي]

تم تعديل رابط الشيله

[العثيم السبيعي]

صح لسانه على الكلمات الطيبه عن قبيلته
وعن فخذ القريشات بالذات
كلمات جعلتني أفخر بأنني سبيعي وقريشي
سلمت يمناك على نقلها لنا
كل الشكر والتقدير لك
والسلام عليكم ورحمة الله

[خيَّال الغلباء]

فهيد القريشي صح لسان الشاعر / عايش القريشي وجزاك الله خيراً ولا هنت

[فهيد القريشي]

الله يسلمكم

تشرفت بتواجدكم معي

والردود الحلوه

[عبدالله الحضبي]

شكرا لك يافهيد على ايراد قصيدة عايش المرظف الرائعه
تحياتي لك وتقديري