الطيب وش لونه

[ابن قطنان1]

بسم الله الرحمن الرحيم


السلام عليكم ورحمة الله وبركاته

هلا والله ومليون غلا

ناس تقول الطيب وش لون لونه
........ يبون وصفه حي ولا جمـــــادي

لا صار لون الطيب ما يعرفونه
........ لو تسأله قال المعسل زبــــــــادي

نسل الرجال ويرضون المهونة
........ النار تحرق والنهاية رمــــــــادي

الله يقطع كل ذاك النمونه
........ إللي سوالفهم هزيل الـــــــــدوادي

الطيب لونه كان ما تعرفونه
........ بيض الصنايع من كرام الأيــــــادي

يا عزتي للي تجرع اغبونه
........ الطيب سندا والمراجل إسنــــادي

الطيب شيخ الفخر يسحب اردونه
........ يستأهل المجلس بجنب الشدادي

الطيب رجماً عاليات اركونه
........ سهل على ابن هميل ولا المهادي

يحرم على الأنذال ما يصعدونه
........ حتى يصير النسر كبر الجـــــرادي

الطيب للي بالقسي يشترونه
........ يغلون سوقه في نهار المــــزادي

وفي ديره ابن هميل تلقى زبونه
........ شيخ الهشال الخلايق اينــــــادي

في رنيه الفيحاء عجايب افنونه
........ مثلوثة معروفة في بــــــــــلادي

لا شاهد الظيفان زانت اطرونه
........ ليل به الظيفان عنده عيـــــــادي

يالله يا منزل تبارك ونونه
........ يا معتني بالكون رب العبــــــادي

ترحم سعيد إللي تقافت اضعونه
........ واخر رجال من خيار الـعــــوادي

عساه بالفردوس تسبح اغصونه
........يقطف جنى الجنة وذاك الــبـــــــــردي

الشيخ خلف شيخ ما بدونه
........ ناصر لعله دايم في المـــــــــــرادي

شيخ من الغلبا عسى الله يصونه
........ من نظرة الحاسد وبطش الأعــادي

عنده لقيت الطيب ياللي تبونه
........في مجلس ابن سعيد شفته وكــــــــادي

كل ذكر ما شاهدنه إعيونه
........في عصرنا الحاضر وعصر ابن هادي

وأنا بعيني شفت ما يذكرونه
........عدا على منهاج جـــــــــــــده وزادي

حيل اتقلط في مناسف اصحونه
........ ومن جود رب البيت للظيف جادي

الطيب لاهل الطيب كل بشونه
........ قسمة بشر بين الحضر والبوادي

وصلوا على إللي في المدينة تجونه
........ شفيع الأمة في نهار الحصادي

إعداد ما هل المطر من أمونه
........ وأخضر نبات الأرض بعد الحمادي

تحيـــــاتـــــــــي

ابـــــن قـــطـــنـــان 1

[الهضيبي الحريق]

صح لسان الشاعر

بيض الله وجهك يابن قطنان 1

[ابن قطنان1]

الهضيبي الحريق وجهك ابيض

[ابن جروه]

لاهنت يابن قطنان ولاهو غريب الطيب عليكم وجدك المصوت بالعشاء

[صندلي و أفتخر]

مشكوووووور والله يعطيك الف عافيه

[ابن قطنان1]

ابن جروه لا هنت وبيض الله وجهك

صندلي وافتخر لا هنت