|
مسجون محزون متحسف وندماني .. تكفا يا عايد تجمّل وأكسب إعتاقه
كُتب : [ 04 - 01 - 2011 ]
بسم الله الرحمن الرحيم
هذه القصيده للشاعر / عويض بن عايض الشلوي
( جزاهـ الله وإياكم كل خير ) موجهه لقبيلة الجعارين من الشلاوى يسترحم كاتبها عتق رقبة السجين / أحمد مبارك عايد الشلوي
يقول /
يالله ياللي ما غيرك واحدٍ ثاني ... سبحانك الكون كونك وأنت خلاقه
يا مِدرج الفلك في تغيير الأزماني ... تدرِج بيدك الفرج وتيسّر أوفاقه
ماني بطربان للي قاله لساني ... ولاظن نفسي لبدع الشعر مشتاقه
شكواي للي يعلم أسرار الإنساني ... محيي هشيم ٍ يبس ونحتـّت أوراقه
بشكي على الشيخ ابن غصاب لاهاني .. شيخٍ فعوله مع أهل الطيب عملاقه
حالت سجين ٍ ورا البيبان حيراني ... عساك تسعى بشي ٍ يسّر إطلاقه
وأشكي على ربع ابن غصاب من داني .. العزوة اللي لفعل الخير سباقه
وأشكي على عيال عايد كل الإخواني .. وأطلبهم العفو والعطف وترفاقه
تكفون يا صلب أبويه وصلب جداني .. يا عيال ذروة سنام المجد وأعماقه
إعفوا عن اللي تدهور حاله الفاني ... مغير جلد ٍ تحته عظام ٍ دقاقه
مهموم محروم ٍ من النوم سهراني .. ضاقت عليه الحياه وضاقت أخلاقه
أبوه عود ٍ مصاب ٍ بالسرطاني ... عودٍ رعاه المرض ما تنقله ساقه
وأطلب من الشيخ عايد عفو وإحساني .. عن واحدٍ شاف موته كله وذاقـه
مسجون محزون متحسف وندماني .. تكفا يا عايد تجمّل وأكسب إعتاقه
نادوا بصوت العفو يا طوال الأيماني .. صوت ٍ تلج الصحاري منه وآفاقه
والبيض تـنـشر لكم يا لاد جعراني .. بيض ٍ تباري شعاع الشمس وإشراقه
وسلامتكم
|
غير متصل
