كبوة حصان

[السبع 501]

الله من هـم ٍ لجـى بيـن الحـنايـا وأنحبـس
بالقلب ماعلمت احد حاسب لزلات اللسان

اسـقـتـني الدنيا غدر شربت حتى قـلت بـس
مدري خطاء ظلم البشروالاخطاء جورالزمان

باعوني أقرب دنيـتي برخيص ياربع الفلـس
لين ألتـقيت نحورها وش عاد يالله المستعان

ابديـت صافي نيـتي ضنيـت به ناس ٍ تحـس
ماكـنت اعرف بعـالمي لصدق مايوجد مكان

والنورعند أقصى النفق من خيبة الحظ ألتمس
قاومت حـتى أخر رمـق وقـفت وأعلنها بيـان

يـوم المقاديـر حكمْت سلمت والبيـرق نكـس
خوف السنين وغدرها ماتعطي الدنيا ضمان

واللي على الأفـعى حدى رجليه طارفها دعـس
يطيـرفي عرض السماء من جرة الحبل الليان

يـاوقـتي القـاسي كـفى عطني لوجه الله نفس
اما تـصيـر القاضيـة وإلا آنها كبـوة حصـان
ــــــــــــــــــــــ
السبع 501

[مصلح ربح]

رائعه وهادفه تستحق الاشاده
صح لسانك طال عمرك

[خالد الشماسي]

رائعة جدا


صح لسانك

[السبع 501]

الاخوة مصلح ربح وابو عمر صحت

ابدانكم ومشكورين على المرور

[ناصر المديري]

صح لسانك وقصيدة رائعه من شاعر رائع

تحياتي يالقرم

[وافي السبـيعي]

صح لسانك وربعك انشئاالله فيهم الخير
ولكن يمكن كبوة حصان

تحييياتتتتتي

[السبع 501]

الاخ السبيعي 123 والاخ وافي السبيعي اشكركم

على المرور والتعليق ولكم مني اجمل تحية