وأنتبه من العيال لا يطقونك طقهم وافقع روسهم
فادور الاب ينها أبنائه عن المشاكل وينصحهم ويرشدهم إلى الصواب ولا يفرد عضلاته عندهم
2- المعلمين في المدرسه
مثال بعض المدرسين ( البعض) هداهم الله من محبين المحاوره فا يأخذ طالب من قبيله والثاني من قبيله اخرى
و يقول يالله نبيها محاوره مشعلله
فالطلاب يحفظون للبعض الشعار المعروفين في الساحه من كثر صولاتهم وجولاتهم في التعصب القبلي وهاذا يجيب بيت والثاني يجيب بيت وا نخرب البيت وتصير قببسه في الطلعه
نهايتها يا مفقوع راس واحد منهم ولا واحد منهم مطعون
ودور المعلم أن يوجه طلابه ويعلمهم وأن يحفظهم الاحاديث التي تدل على المحبه والأخوه في الإسلام كل اخر خمس دقايق قبل نهاية الحصه ماراح تكلفه شي
لاكن لا حياة لمن تنادي
ومن دور المدرسة ايضا . ان يفتشو الطلاب . من حملة السكاكين والسلاسل والعجاري طبعا العجاري (مدسوسه برا) ما أعتقد يقد رون يخشونها داخل المدرسه ولاكان ما نسوها
والمعلمين
إذا فتشو وامسكو بطالب يحمل من ما ذكر ان يتفاهمو معه بالتي هي أحسن .. بعض المدرسين الله يهديه كان وده يصير عسكري بس ابوه اصر عليه ان يصير معلم فا أول ما يفتش طالب ويلقى معه سكين او ما شابه يطب في بطنه طب وكل مدرس ماسك
له عصا ويمحطون ذالمراهقين والضرب لا يجدي مع المراهق
فالنصح اقرب إلى القلوب والتوجيه والتوعيه بمخاطر حمل السلاح الأبيض
بعدين على فكره ترا يقال في المدارس مرشد طلابي ذا وينه لايكون
نايم في العسل ولا وشغلته
ليش ما يؤدي دوره وعمله باكمل وجه
ليش ما يسون منشورات
مثال لا للمشاكل فكلنا اخوه
او
التعصب القبلي ليس بيننا
ليش ما يرغبون بدال ما ينفرون
يعني مثال كل يوم ثلاثاء فيه حصه يقال انها حصة نشاط او محاضرات
يسوون فيها عروض وتمثيل عن التعصب القبلي وأثاره التي نهايتها
ذا جيزاني ذا خضيري ذا صلبي ذا... الخ
واختم بقول الله سبحان وتعالى : {إِنَّ أَكْرَمَكُمْ عِنْدَ اللَّهِ أَتْقَاكُمْ}
ولابد ان ترسخ هذه الايه في عقول الأبناء
وصلى الله وسلم على نبينا محمد عليه افضل الصلاة وأتم التسليم