يقول من حده على القول هوجاس=وصاغ النوادر صوغ من جاش جاشه
دام الردى منقود والطيب نوماس=رجالنا معاد يكفي معاشه
الله مقدرنا على الطيب ياناس=انزاود الوافين وانسوق كاشه
في وقت فيه الناس بالس وهلاس=كلٍ يحوش امن الردى في خياشه
عزالله ان الوضع بلحيل حساس=كثرو عشاشيق الردى والغشاشه
ونار الردى تشتب في كل مقباس=ولاينكفت فالنار غير الفراشه
ياصاحبي ليه الرخامه والادناس=حشت الردى يوم ان مغويك حاشه
فدامك كذا ترتاح لاباس لاباس=مثلك يهمل مايطوّل نقاشه
خذ كلمةً محصورةً بين الاقواس=ابثها لناس في كل شاشه
اللي تجمل بي على العين والراس=واللي فراشه شين يلقى فراشه
.
حمود بن قاسي السبيعي
الا يــانــاشـــد عنــي تـراني ** بميقاف الشرف لازم تراني
من الحــقـّي تـورثنا فـخرنا ** ويبقى فخرنا طول الـزماني
مجامعـتاً لـنـا مجـداً يـشرّف ** جمـيع سبيع خطلان اليماني