رد : هذاه قصيدة الشاعر مسند بن سعود في حفل اهل الخرمة
كُتب : [ 03 - 12 - 2006 ]
الاخ مفلح بن الحميدي بيض الله
وجهك على نقل القصيدة وصح
لسان الشـــاعر مسند بن سعود
والصمله يستـاهلون المدح وكل
قبــائــل سبيع ما فيهم قـصور
أخووك الحميدي أبن بلعوووس
رد : هذاه قصيدة الشاعر مسند بن سعود في حفل اهل الخرمة
كُتب : [ 03 - 12 - 2006 ]
أرحب يابو الحميدي هلا والله مسهلا نورت المنتدى
بحضورك الطيب وصح لسان شاعرنا الكبير مسند
ابن سعود وهو شاعر غني عن التعريف ولاتنسانا
من جديده القادم أخوك أبو سليمان
رد : هذاه قصيدة الشاعر مسند بن سعود في حفل اهل الخرمة
كُتب : [ 16 - 07 - 2008 ]
اقتباس:
المشاركة الأصلية كتبت بواسطة مفلح بن الحميدي
يالله يارواف ياقايد الرجا = ياربنا ياحي يامعبود
أسألك الجنة ولذة نعيمها = وأعوذ بك من صالي الوقود
وأستغفرك من كل ذنب وزلة = وأسألك الغفران ياودود
وأما بعد نبدأ واثني سلامي = عداد ماتذري هبوب النود
وعداد وبل المزن من منشاها = وعد الورق في كل مخضر عود
وعداد مافي محتوى الكون كله = وأكثر ولا يحصيه عد عدود
وألذ من طعم العسل من منحله = وألذ واحلى من حليب الذود
واصدق من العابد بصدق النيه = وأوضح من البيضا على النفود
وأغلى من الجوهر ومن صافي الذهب = عليه علام الغيوب شهود
يهدى على راعي الوفاء والطوله = ورجل الشجاعة والشرف والجود
على الأمير اللي لفينا داره = وعلى الذي حول الأمير قعود
على الذي جيناه من صوب رنيه= جينا الزيارة غاية المقصود
نرى أن علينا حق ولنا مثله = على الكريم الطيب المعدود
راس المراجل جعلنا ما نفقده = راجح ولد شباب ذاك العود
فعله على إسمه راجح المراجل = حراً تنهض وأعتلى سنود
من راس بن جروه طليق اليمنى =إسمٍ(ن) يجيني لا سمعته زود
ساس الشيوخ اهل الصحن والشلفا = اهل مرحبا نطاحة البارود
واهل موقف بالصلح بين القبايل = واهل حكمةٍ وإن قطع وصل الردود
من لاد صامل صاملين الهده = عوق العدو وللقريب سعود
وخويهم ودخيلهم مع جارهم = مايصله صاحي ولا مقرود
من وصلهم يامن وينسى الطلب = يوم الهوايا والمنايا ورود
كم أمنوا بسيوفهم من خايق = وكم فرقوا يوم العناد ضمود
وترسي بهم دار حموها من العدا = دار النخيل ومرتع للقود
فرسانهم عزامة جزامة = مايعرفون الخوف والصدود
أحر من ناراً توقد شعالها = وأقوى من صم الصفا الجلمود
يردون حوض الموت ورد الظامي = إلى جات دقلات الجموع جرود
يشدون بحراً يوم يزمي موجة = اللي نزل في غيبته مفقود
وخياله وصماله وعياله = وإلى عدو بالقوم عدو فهود
إلى ثار عج الخيل يوم الغارة = ثم حنت الفاطرمع المفرود
ثم غطرفن البيض في يوم اللقاء = حرابهم من غزوته مايعود
إلا أسير وشوكته مكسوره = وإلا عليه من الحيود رجود
كم شيخ قوماً وسدوه ذراعه = يوم اللقاء صكه قوي زنود
خلوه ربعه واعذروا في شيله = في المعركة جنبه رعاه الدود
كم من عقيداً فارساً متجبر = وفي حربهم من ضربهم شرود
وفيهم زحازيح وسلاطين لابه = أهل مواقف مثلها يكود
الشيخ ابن جروه بسيفاًصارم = على جواده رد جمع جنود
والشيخ ابن مجفل وخصمه سحمي =كافاه بالعذراء على العبرود
ولو كنت بذكر فعل هذا وهذا = طال القصيد وشرحها يزود
مواقفً كل العرب تعرفها = تحرق لها كبود وتبل كبود
كم موقف وكم قصة وكم عبرة = تشيب راس الناشي المولود
وهل شيمه وأهل قيمة وأهل هيبة = وأهل العزم والحزم والصمود
وفي كل حال من المراجل وافبه = قبيلة تروم عسر الكود
إن زعلوا ياويل من يزعلهم = وإن عاهدوا مايخلفون عهود
يانعم والله يامعطرة النمش=ياأهل المروة فزعة المظهود
وأهل ماضي يبني عليه الحاضر = والبيت مايبنى بلا عمود
وفي وقتنا الماضي على الخيل والنضا = كم هجمة قفوا بها عرجود
يفخر بهم من يعشق الطيب والوفاء = وتفخر بهم لباسة الماهود
وقد قال بن نمشان في وصيته = تغانموهم كان فيكم فود
تغانموهم يامدورة النسب = وكلام سمحين الوجيه شهود
والشعر يعجز ما يوفي مجدهم = مجداً على مجد بدون حدود
مجداً يطولنا ويرفع روسنا = ويحط في قلب العدو لهود
أنا أحمد الله يومهم ربع لنا = نماريبهم من بين كل بدود
ماقلته مجامل ولكن صادق = هذا الكلام الثابت الماكود
وتمت وصلى الله على خير الملا = عداد ماندعي الإله سجود
أخي الكريم / مفلح بن الحميدي بعد السلام شكرا جزيلا لك وصح لسان الشاعر الكبير / مسند بن سعود المجامعة السبيعي وسلم نبضه وبنانه وإعتلا شانه مع خالص التحية وأطيب الأمنيات واسلم وسلم والسلام .
غير متصل
