ثوب الزمن قامـت تزيـد شقوقـه = ولا لقينـا مـن يخـيـط فتـوقـه

[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إنتشرت في العديد من المنتديات هذه القصيدة المعبرة من دون أن ينتشر اسم قائلها فلله دره وصح لسانه وسلم نبضه وبنانه على هذه القصيدة ووفقه الله ويقول فيها :

ثوب الزمن قامـت تزيـد شقوقـه=ولا لقينـا مـن يخـيـط فتـوقـه
نجيبـهـا مـنّـا وتقـفـي مـنّـا=لا هـي بمطـروده ولا ملحـوقـه
علـة وريـد ما عرفـت دواهــا=مـن صابتـه بتضيمـه وبتعوقـه
عشنا وشفنا فـي الزمـان التالـي=شـي يتـلّ القلـب مـن معلوقـه
كـل علـى ليـلاه قـام يغـنـي=ويجر فـي راس الجبـل طاروقـه
شرايحـك يا مجتمعـنـا واجــد=مشحونـه ومنخولـه ومسحـوقـه
والموت وضعك يالشباب الطايـش=أرقابـكـم بالعولـمـه مشنـوقـه
يجرفكـم التيـار لآخـر صيحـه=والغـرب جتْكـم طاقتـه مطبوقـه
تفكيركم في الموضـة المرفوضـه=والطرد والترقيـم ماشـيٍ سوقـه
والبنز راعي الجنـز قـام يحوفـه=مطفـوق يطـرد صيـدةٍ مطفوقـه
والسن الأزرق ميـزةٍ فـي طيـره=طيـرٍ يهـده ما يـفـك سبـوقـه
يهـد فـي ( قــزاز ) وإلا ( زارا )=محميتـيـن وعـالـم مرمـوقـه
والصدر فاتـح والجفنشـي فايـح=والمشكله من تحتـه ومـن فوقـه
تبـرمـدو يا شـلـة الـبـرمـودا=وأشنابكـم وذقونـكـم محلـوقـه
واللي سواكم يمكـن أشلـى منكـم=وإلا بْركتهـم مثلـكـم ممحـوقـه
لأن السهر طـول الدهـر مذهبهـم=وهروجهـم مقصوصـةٍ ملـزوقـه
مركـى وملبـورو ودش وشاهـي=وإختـر قنـاة وتابـع الممشوقـه
فتنـة دريـم وفاتـنـة روتـانـا=إقـرأ الشريـط وغـازل المنتوقـه
وإنقز مـع نقـزات هيفـا وهبـي=وإرقص مـع الطقاقـه المطقوقـه
ضيعك يالفاهـي حـلال الساهـي=قـدام عينـه خزنـتـه مبيـوقـه
أقـرب مثـل بولنـد جتـه الدنيـا=كيف أشغل العالـم بـذا الغرنوقـه
وغيره وغيره رايـح فـي يدهـا=قـدم لجمهـور الغنـج معشـوقـه
وراحت علوم أهل السهر في الرحله=ولا عاشت رجـال تضيـع حقوقـه
ما دام هي من شاشـة فـي شاشـه= شاشات الأسهـم سلعـةٍ مفروقـه
بيع وشرى والرزق مـن عنـد الله=حتـى لـو إن التوصيـه موثوقـه
يالبورصيّـه بورصتكـم بـرْصـا=وكـم بورصـيٍ جبهتـه مفلوقـه
نصف الدراهم في اللجين وسابـك=ونصفٍ بقى في الرايـد وصندوقـه
والسوق خضّر والوجيـه تخضّـر=وإن حمّـر فكـم خـدةٍ مصفوقـه
نـاسٍ يوصيهـا نديـم الشـاشـه=وناس تسـوق وما هـي بمسيوقـه
ونـاس تسيـر بطقهـا وإلحقـهـا=هز النخل يمكـن تطيـح عذوقـه
هـذي شرايـح مجتمعنـا الحالـي=كـلٍ يـدور ما ينـاسـب ذوقــه

__________________________________________

يا جاهـل ٍمـر الزمـان وحلاتـه=خذ هاك عقلي ما نفعنـي ولا بيـه
في هالزمان الطيب أعلـن وفاتـه=الطِيب مـات وكـل طيّـب يعزيـه
يرحمك يا عود ٍحفظ لـك وصاتـه=يبيـك تتبـع ساقتـه مـا تخليـه
علمك سيئـات الزمـن وإحسناتـه=يامرك بالمعـروف ليتـك تماشيـه
الله وهبنا ديـن وأحسـن صفاتـه=وأنزل لنا التشريع واجزل معانيـه
الحـق والباطـل عرفنـا جهاتـه=وما يزرع المخلوق له يوم يجنيـه
أحد ٍله الدنيا على الكيـف جاتـه=الله عطـاه وكـل شـيٍ بأيـاديـه
ما ذاق لوعـات الزمـان وشقاتـه=الفقر والتجويـع يسمـع بطاريـه
وأحد ٍيـدور فـي زمانـه نجاتـه=يبي الستر والعافيـه بيـن أهاليـه
عزيـز نفـس ولا يبـدّل عبـاتـه=راضي ويدري عيشته مـا تكفّيـه
وأحد ٍأبـد ماخـذ طبايـع خواتـه=ضعيف رآي وكلمتـه مـا تقديـه
وأحد ٍلبس ثوب المراجـل بذاتـه=وا سِعد عين اللي من الضيق ناصيه
وأحد ٍصميـدع يرهبـك بإلتفاتـه=حرٍ مطالعيه عـن النـاس تغنيـه
وأحد ٍيضيع صيدته مـن عماتـه=لا وا خساره مـن ترجّـى يعشيـه
وأحد ٍزرع ما نال غيـر الحتاتـه=الحظ كنـه واقـف ٍلـه معاديـه
وأحد ٍقطف ورد الزمـن وإثمراتـه=باب البخت مفتـوح دايـم يناديـه
وأحد ٍتساوى في حياته مماتـه=وأحد ٍيموت وطيّب الذكر يحييه
الوقت لو يومـي عليـك بعصاتـه=ما هي غريبه منـه هـذي مماشيـه
يا أبوي هات اللي يجي منـك هاتـه=راضيـن باللـي ما تكنـه وتخفيـه

منقول وأنتم سالمون وغانمون والسلام .

أخي الكريم / كليب عامر السلام عليكم ورحمة الله وبركاته وبعد : شكرا جزيلا لك على مرورك الكريم بالقصيدة وجعل الله مرورك والإضافة في ميزان حسناتك يوم لا ينفع مال ولا بنون إلا من أتى الله بقلب سليم والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام ولا شكر على واجب مع خالص التحية وأطيب الأمنيات واسلم وسلم والسلام .

[منسم الحفيات]

جزاك الله خيرا

[خيَّال الغلباء]

أخي الكريم / منسم الحفيات السلام عليكم ورحمة الله وبركاته وبعد : شكرا جزيلا لك على مرورك الكريم بالقصائد الشعرية وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم ومبارك عليكم شهر الخير والبركة والرحمة والعتق من النار الذي أظلنا شهر رمضان الذي أنزل فيه القراّن اللهم اجعلنا وإخواننا المسلمين في مشارق الأرض ومغاربها من صوامه وقوامه وعتقائه من النار وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والاحترام مع خالص التحية وأطيب الأمنيات واسلم وسلم والسلام .

[حمد ع ح]

جزاك الله خيرا

[خيَّال الغلباء]

أخي الكريم / حمد السلام عليكم ورحمة الله وبركاته وبعد : شكرا جزيلا لك على مرورك الكريم بالقصائد الشعرية وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم ومبارك عليكم شهر الخير والبركة والرحمة والعتق من النار الذي أظلنا شهر رمضان الذي أنزل فيه القراّن اللهم اجعلنا وإخواننا المسلمين في مشارق الأرض ومغاربها من صوامه وقوامه وعتقائه من النار وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والاحترام مع خالص التحية وأطيب الأمنيات واسلم وسلم والسلام .

[ابن جعوان]

:أخي: خيال الغلباء : بارك الله فيك :

صح السااان الشاعر
وبيض الله وجهك ماقصرت طال عمرك
اصفقلك على نقل القصيدة الراااائعه
والله يجعلها في ميزان حسناتك

تستاهل
تقبل مروري لاهنت

أخـوك

أبن جعوان

[خيَّال الغلباء]

أخي الكريم / ابن جعوان السلام عليكم ورحمة الله وبركاته وبعد : شكرا جزيلا لك على مرورك الكريم بالقصائد الشعرية وجعل الله مرورك في ميزان حسناتك يوم لا ينفع مال ولا بنون إلا من أتى الله بقلب سليم ومبارك عليكم شهر الخير والبركة والرحمة والعتق من النار الذي أظلنا وذهب أكثره شهر رمضان الذي أنزل فيه القراّن هدى للناس وبينات من الهدى والفرقان اللهم اجعلنا وإخواننا المسلمين في مشارق الأرض ومغاربها من صوامه ومن قوامه ومن عتقائه من النار وكل عام وأنتم بخير وصحة وسلامة والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والاحترام مع خالص التحية وأطيب الأمنيات واسلم وسلم والسلام .