مهزلة في تاريخ الشعر والأدب والتراث لن ينساها التاريخ ( شاعر المليون)

[عبدالله الطريّف]

والله انكم صادقين

واشكركم على التفاعل والرد

والشرهه على الي بتابعوه الموسم الجاي

[ذيب الرمحيه]

المشاركة الأصلية كتبت بواسطة خيال الغلباء

بسم الله الرحمن الرحيم

أخي الكريم / عبدالله الطريف السلام عليكم ورحمة الله وبركاته وبعد : إليك شيئا من نبض الشارع السعودي وجمهور أبو فارس ردا على تلك المهزلة فقد أبت مشاعر أخونا العضو الباهلي بيض الله وجهه وصح لسانه وسلم نبضه وبنانه وإعتلا شأنه إلا أن يشاركنا بهذه الأبيات في شاعر مضر والثقلين والوطن الكبير المجدد / ناصر بن محمد بن فارس الفراعنة السبيعي وفقه الله وحفظه فهاهي بين يديك :

الحق حق وراعي الزور منشل= يمشي على دولاب غدر الزمانا
يالله عسى اللي شايل الحقد والغل= تسقيه من كاس المذله ثمانا
أربع مع أول سيف للفجر منسل= وأربع إلى زل الشفق عن سمانا
وأرسل على من حل قيد الشعر حل= قول ٍ فصيح وما يبا ترجمانا
الشعر للفرعون ولغيره الطل= محدن من الشعار يطفي ضمانا

وبيض الله وجهه ووجوه إخوانه عند مولاهم يوم تبيض وجوه وتسود وجوه وأنت سالم وغانم والسلام .

لاهنت ومشكووووووور

[ابن عدوان]

شكراًعلى هالموضوع
وما نقول الا الظلم ظلمات يوم القيامه
وجزاك الله خير
وتقبل مروري

[عبدالله الطريّف]

حياكم الله

وما نقول الى الله المستعان

[الخثلان السبيعي]

انا ما تابعته العام ،،

وتابعته السنه بس عشان ابوفارس ..

واخرتها .. هالمهزله الي ماهقيت ان راح تتكرر في برنامج ثاني ..

كل العالم انصدموا ..

والله لو ان الشبرمي للحين معاه جنسيته ،، كان ماقلنا شيء وبالعكس تصير فرحتنا كبيره ..

بس انه مافاز الا عشانه قطري .. وربعنا هنا مصدقين انهم هم الي فوزوه ..

العام قطري من المري ،، والسنه عاد غدت ملعوبه صح .. قطري تميمي < مثل حكام قطر !!

وليه مايجيه الدعم ..

ولا كان فيه العام واحدن تميمي ،، واذكر ناس اعرفهم عز المعرفه ،، صوتوله لين ضربت فواتيرهم ،، واخرتها خذاها المري .؟؟

والمشكله للحين مصدقين انهم هم الي فوزوه ،، ولما نقول انه حكام قطر هم الي دعموه بالتصويت ،، يقولون انتم تقولون كذا من القهر !!

اي قهر ياشيخ .. فتحووا عيونكم ..

دام فيها قطري ،، قحطاني ،، ولا .. مري ،، ولا ،، هاجري ،، ولا تميمي .. اكيد هم الي بياخذونها ..

.............................. ولا انا غلطنا يالربع ؟؟


<< لاخلى ولاعدم ياهلي .. .

[عبدالله الطريّف]

لا منت بغلطان كلام صحيح وأشكرك عليه

لكن مثل ما قلت ربعنا مصدقين انهم هم الي فوزوه

[ذيب الرمحيه]

بيض الله وجهك وماقصرت

[عبدالله الطريّف]

وجهك ابيض

واشكر مرورك