كم بيت اهداء لأبو فارس

[ذيب الجبور]

المشاركة الأصلية كتبت بواسطة حمد المليحي

بسم الله الرحمن الرحيم

أخواني أعضاء منتدى سبيع الأعزاء ..
السلام عليكم ورحمة الله وبركاته
هذي أول مشاركة لي معكم في هالمنتدى اللي أتمنى من الله انها تحوز على رضاكم ..
هذي كم بيت كتبتها لأبو فارس عقب مسرحية شاعر المليون اللي البارح .. وحنا لو بنتكلم ونكتب للصبح ماحنا خالصين .. لكنها في خاطري وقلتها ..

وانا كتبت الموضوع بقسم الشعر الشعبي .. بس لما انتبهت للقسم الخاص بابو فارس قلت أحطها هنا أحسن ..

البيرق اللي ماعطوك اياه جعله للزوال
والجايزة مافيه غيرك يستحق ينولها

كسبت جمهورً رقابك فوق بطوال الجبال
وكشفت تزوير النتايج يومهم فرحولها

وضربتهم بالضربة اللي توجع زحول الرجال
في قامةً شعريةً تعبو ولا وصلو لها

فان كانهم يبغون مال حنا لنا بيوتً جزال
ماتهمنا فلوس دنياً كلهم ركضولها

ناصر ولد فارس عريب الجد من عمً وخال
من لابةً يوم اللقا كلن يشوف فعولها

ربعي سبيع اللي لهم اسمً على روس الطوال
فان كان نبغاها فخر نقولها ونطولها

ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها

رسّخ قصيده في عقول الناس شيبان وعيال
وقصايده مثل المطر نجدب نبي هملولها

ماهو بحاجة بيرقً شهادته كذب وخيال
والكل يدري وشهي القصة ووش مدلولها

نبقى ويحول الحول وينقلب حالً محال
وانشهد انها تكلفة عطيت لغير فحولها

وسلامتكم ..

قصيده رائعه جدا روعة كاتبها الجزل حمد السبيعي
صح الله لسانك ياحمد وناصر يستاهل الذكر الطيب

[ابن عدوان]

صح لسانك
وفالك الجمهور


رسّخ قصيده في عقول الناس شيبان وعيال
وقصايده مثل المطر نجدب نبي هملولها

[الراس]

صح لسانك ياحمد وحياك الله
ونتمنى تواصلك اخوك

[حمد المليحي]

المشاركة الأصلية كتبت بواسطة ذيب الرمحيه

صح صح صح صح صح لسانك وبيض الله وجهك على القصيده الجزله ومثل ماقلت البيرق جعله لزوال

صح بدنك ياذيب الرمحيه ..

تشرفت بمرورك الجميل على ماكتبت ..

دمت بود

[الحميدي محمد الفراعنه]

صح لسانك ولاهنت

[حمد المليحي]

المشاركة الأصلية كتبت بواسطة سعد الجبري

حــــــمـــد بــيــض الــلــه ووجــههك يالمبدع ووصح لساانك
(ناصر ليا غنى الشعر كل العرب بتقول قال
ولامن ترك له كلمتن تركع تبيه يقولها)
ابدااااااااااااااااااااااااااااااااااااااااااااااا اااااع ويستاااهل ابووو فااارس

صح بدنك ياسعد ..

تشرفت بمرورك الجميل ..

وزادني شرف اعجابك بما كتبت

وابو فارس يستاهل اكثر من كل اللي نكتب

دمت بود

[حمد المليحي]

المشاركة الأصلية كتبت بواسطة عبيد ابو شيبه

حمد المليحي صح لسانك وبيض الله وجهك على القصيده الطيبه

وابو فارس فاز بقلوب الملايين وهذا هو الفوز الحقيقي

وبداية سقوط شاعر الكذابون

صح بدنك ياعبيد ابو شيبه ..

وانت صادق ابو فارس له جماهير تسد عين الشمس ..

وتشرفت بمرورك ..

دمت بود

[حمد المليحي]

المشاركة الأصلية كتبت بواسطة نواااف

صح لسااااانكـ


وبيض الله وجهكـ

صح بدنك ..

وتشرفت بمرورك أخوي نواف ..

شكرا لك

[حمد المليحي]

المشاركة الأصلية كتبت بواسطة ذيب الجبور

قصيده رائعه جدا روعة كاتبها الجزل حمد السبيعي
صح الله لسانك ياحمد وناصر يستاهل الذكر الطيب

صح بدنك ياذيب الجبور ..

وبيض الله وجهك على هذه الكلمات ..

وابو فارس يستاهل اكثر من كل اللي نقوله

[حمد المليحي]

المشاركة الأصلية كتبت بواسطة ابن عدوان

صح لسانك
وفالك الجمهور


رسّخ قصيده في عقول الناس شيبان وعيال
وقصايده مثل المطر نجدب نبي هملولها

صح بدنك يابن عدوان ..

تشرفت بمرورك