ودي العب

[مقطع الازره]

كل كف(ن) يجيه املاه يا مخلوق والذيب غير عن الحصيني
مير حمض العلوم يجيبها اللي يذبح الكبش ويصب اليدامي

ما نفتش عن اللي ما يسرك كان قصدك تبا قرص الحنيني
والا خابر ان الوقت قد ولّى على اللي حمى بيض النعامي

[حوت البحور]

ماجبت شين جديدن ياعميلي وأنا إعرف الصديق أمن البطيني - وكل رجلن نعرفه فالشدايد البوم بومن ولاهوب البقطامي -
ولي تسويه عكس الي تقوله والعلم مابين يسراي ويميني -
قيس مجنون ليلي وأنت تدري مافاده الشوق ولا حتى الغرامي -

[مقطع الازره]

انت يا حوت لو تركد تبا تفرق كلام الفصيح امن الرطيني
الربيع الربيع الله يجيبه قبل تهلك شعيله في المظامي

اكثر الناس ما يدري عن المكتوب مير الله الوالي يعيني
لو تصيح العجوز من الغبينه قال يا زين راعية اللثامي

[حوت البحور]

صح بدنك يامقط الازره

[حوت البحور]

ماتضيق الا ويأتي فرجها من آله الكون رب العالميني - والدهر ميال وهذي هي سواته ومن صام يفطر ياولد عقب الصيامي - والعجوز الي تصايح في كل ديرة عزتي للي رجاها يالفطيني - ومرضي الناس كايد ياسنافي وللبداية نهاية فالختامي

[مقطع الازره]

ما قصرت يا حوت البحور بيض الله وجهك

واسمحولنا على القصور يالربع

[حوت البحور]

ووجهك أبيض ياطويل العمر