|
رد : ومن يسب عيال عمي بسبه نعنبوه
كُتب : [ 18 - 06 - 2008 ]
محزمي وصبي عيني تراه اّلاد علي
= ومن يسب عيال عمي بسبه نعنبوه
ربعي اللي حبهم لـه بقلبي منزلي
= كل عامٍ ينتهي بالمعزه زودوه
جعل يفداهم رديٍ لسانه خجولي
= والردي ساس الردى يشهد الله ما حسبوه
ما سألوا عن خايبٍ بالنمامة يهذلي
= وإن تبين بيعاند على الخشم ارطبوه
هل فعولٍ كل ما سولف بها ما أخجلي
= من قديم الوقت كم من صعيب طوعوه
ولو بعد فعولهم كم عدوٍ يزعلي
= مير دون أعد يدري الولد من علم أبوه
فعلهم معروف فوق الركاب القفلي
= كم عدوٍ يكعمونه وضيف كرموه
ولا نصاهم جاليا من ربوعه مبتلي
= وقفوا دونه وحطوه الأوسط وامنوه
ضلع واحدهم لا شاف الخطا ضلع اجملي
= ولا طلع فالأف واحد شرود عيروه
هم سناد اسم السبيعي لا جاء في مشكلي
= إن طلب شر افزعوا وإن طلب مالٍ عطوه
حرمة منهم وعت بالقدر وتهللي
= تطلب الله ينصر اسبيع والجمع اهزموه
الحميا بذهنها والمعارك تصطلي
= قلبها لسبيع واللي سواهم ما اشحنوه
يالله إنك تعزهم يالقدير المعتلي
= عالم ما تفعل الناس لو انهم كنوه
والختم صلوا على اللي لدينه كملي
= ما ربح اللي بيطيعه واخسر اللي عصوه
أخي الكريم / البدر السلام عليكم ورحمة الله وبركاته وبعد : شكرا جزيلا لك على نقل هذه القصيدة الجزلة للشاعر الكبير / محمد بن عبدالله البحيح الشماسي صح لسانه وسلم نبضه وبنانه واّلاد علي يستاهلون والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .
|
غير متصل
