يجب على كل عضو الدخول والمشاركه وابداء الراي

[ابن شطيط]

موضوع مهم جدا



اخوي ابو عبد الله لو تقعد في المجلس وتقول فلان خذا من الشام

تلقى المجلس يقولن ياوالله اللي غدا يعني ضاع

وهذي حقيقه

عياله وبعدهم عيال عياله وهذي موجوده ولكن قليله

تلقى الولد ياعيني طالعٍ وحيمر ( حمر )

وش عاد تبي منه ولا لا

انا في (اعتقادي ) ان القبيليه هي الأولى والأخيره

ولا تبدل الا بمن عرف نسب اهلها من القبائل الأخرى

ولاهوب بعد كلهم ترى بعض العرب فاسد نسبها

لذا اذا نوى الرجال يطلع برا اهله وقبيلته

يكون احرص على النسب اكثر من غيره

واذا انت ناوي ترى بخاويك ونسقط حق النسب عشانك مهوب عشاني :D :D


ابو عمر

الله يجزاك خير امييييييييييين يامن يعين سهم يارياجيل ;)

تحياتي للك

[ابن جـــــــراح]

ابن شطيط

هلا بك

ونور الموضوع بتواجدك

طيب اذا اخذ خضيريه وش يبي يقولون

والثنتين دماااااااااااااااااااار

وبالنسبه لسهم اشوفه مر امس من هنا وهاوشناه ولا عاد عود

تحياتي لك على المرور

[سـلي]

ابو عمر ما قصرت قمت بالواجب ويكفي الشباب هذا الرقم


لكن ما سمعت احد عطانا خبر عن الرقم

[عريبيد]

السلام عليكم

ممكن أشارك؟؟؟؟

>>> مؤدب :D

كانكم تبون الكلام الصدقي عليكم بالمغربيات ياااااااااااااااااااااو

وش جاب الصلب واهل سوريا ولبنان عند المغرب...المغرب غير

زين ودل زين وعرب تعرف السنع وعلوم المرجله :D

وترى فيه مدينه بين كازابلانكا و أقادير يسمونها مدينة (أبوسباع) تبعد عن كازا 100 كم ... يقولون لي أن اهلها أصلهم من الجزيره العربيه وجوفيها من زمااااااااااان ونسبة الا اسمهم... واهلها يقولون أنهم سبعان والله أعلم

المهم....... روحوا وخوذوا من بني عمكم بدال صليب وتوبرني وطقتهم :D

لالا....لا تصدقون..الحين يحقد علي ابوعمر وشامل :D

المغرب ديرة العزوبيه....ولاهم اي عزوبيه العزوبيه الزكرت فقط

انتم ماسمعتوا قصيدة ناصر الفراعنه فيها (عزالله ماكذب ذيباااااااان)




يالربع أنا كنت أمزح معكم مادمتم جبتم طاري سوريا ولبنان


يقول الشاعر:
الولد أن طاب طيبه من خواله______وأن تردى فأعرف أنهم خايبيني

الواحد يدور من ربعه القريبين إللي يعرفهم ويبخصهم وناس فيهم خير وبركه

ولاجاء ولده الأ هو مسند على خوال لاجاء طاريهم مدحوهم الناس ويفتخر أن له خوال

وبعدين الأجنبيه والله ماتعرف صالحها من طالحها حتى الدين وهو أهم شي صحيح أنهم مسلمين أن شاء الله بس المذاهب تختلف

والعادات تختلف....وصعب الأجنبيه تعيش في رماح أو رنيه أو الخرمه :D صح؟؟

هذا رايي المتواضع وسلامتكم.......


على فكره محد يعرف بنت سوريه او لبنانيه تبي تعرس بشاب سعودي وسيم وعاقل وكشخه :D :D

إللي يعرف يدفني بالرقم أو العنوان قبل الصيفيه :D


عريبيــــــــــــــــــــــد

[ابن جـــــــراح]

عريبيد

نصائح شي والله

يالله يا ابو عمر شفت الرد عاد

ترى آخر شي قاله مهوب من القلب :D :D

قلبك خضر يا عريبيد

ويا هلا وغلا في رجعتك وطلتك البهيه

تحياتي لك

اخوك بن جراح

[العويد]

المشاركة الأصلية كتبت بواسطة عريبيد

السلام عليكم

ممكن أشارك؟؟؟؟

>>> مؤدب :D

كانكم تبون الكلام الصدقي عليكم بالمغربيات ياااااااااااااااااااااو

وش جاب الصلب واهل سوريا ولبنان عند المغرب...المغرب غير

زين ودل زين وعرب تعرف السنع وعلوم المرجله :D

وترى فيه مدينه بين كازابلانكا و أقادير يسمونها مدينة (أبوسباع) تبعد عن كازا 100 كم ... يقولون لي أن اهلها أصلهم من الجزيره العربيه وجوفيها من زمااااااااااان ونسبة الا اسمهم... واهلها يقولون أنهم سبعان والله أعلم

عريبيــــــــــــــــــــــد

^
^
ههههههههه هذا اللي طراه يااعريبيد

طيب من اية سبيع

بعدين انا اخبر اسمهاا اغاادير مهوب اقاادير

[اخو شما]

انا اشهد انك يابن جراح امتعتنا بهذا الموضوع


لو مايحصل منه الا انك جمعتنا بكل الاخوه المتداخلين


الف شكر يابو عبدالله


ودمت على خير


اخو شما

[ابن جـــــــراح]

شفتوا وش لون

هذا اخو شما احد اللي تشققوا يوم شافوا الرقم

رااااااااااايح فيها الولد

لكن بشر عسى الامور زينه

خخخخخخخخخخخخخخخ

تحياتي لك

[الصامت]

بسم الله الرحمن الرحيم

أخي العزيز إبن جراح

السلام عليكم ورحمة اتلله وبركاته وبعد

أما أنا فأرى إن اخو شما قد أجاد وأفاد وأوافقه الرأي بالنسبة لسؤال الرأي

ومشاركتي ستكون من واقع حياتنا اليوميه

وما نلمسه من المتزوجين من الخارج ومن الداخل أي( من الحضر)

أما الذي تزوج من الحضر فإنه اختصر المسافات وفضل تطا بق الطباع والثقافه والتربه (كل نفس تشفى بتربة دارها)

ولكن يواجه أبنا ْْه النقد اللاذع بين اقرانهم فلا يستطيعون الإفتخار بقبيلتهم ولا نسبهم ولا حسبهم ( ومما يقال ...... ياولد الصانعه.......! ؟.)

واما الذي تزوج من الخارج فإنه فضل الرخص(والرخيص مخيس) او انه مرفوض من الداخل وهذه معضله ., او انه لا يقبل . فيفدي نفسه بالمال

كي يحصل على من يفرش فراشه ويقوم براسه , او انه يبحث عن المتعه لفترة من الزمن ثم يترك الزوجة تهيم على وجهها كالكلبه المطروده

ويأخذ أبنائها المحرومين من حنان الامومه وكل هذا حسب الظروف

وعلى كل حال فإن أبنائه مسكوت عنهم ومتروك لهم حبل المرجله لمن أراد إن يثبت نفسه إما أن ينسب إلى أبيه (ولد فلان) وهذا هو الجّيد

وإما أن ينسب لأمه ويقال هذا ولد ( المصريه أو .....أو.....أو.....)

ولكن لكل مقام مقال
فإذا حدت الظروف فكل حسب حاله

وأنا : أفضل الزواج من الداخل ومن الأسر التي ثابت نسبها ولكن دخلت من قبائلها مع قبائل أخرى حدتها الظروف عليها

فتزوجو منهم وزوجوهم فهم الأفضل لو استطعنا وأطاعونا وزوجونا ولكن كل يرى في رأسه اعطاس

وبالمناسبة


ترى اللي يأخذ الراجع على أول شيبته خسران*** تقول الطيب للأول لو انه مسرفٍ فيها




وهذه قصه قصيرة(عرضيه للفائدة فقط )
كان فيه واحد اسمه شفاقه
وله أخ توفي وترك له بنت عاشت مع أمها عند أخوالها فكانت مثالاً في الأدب والجمال وصار الخطاب يتهافتون على عمها شفاقه
وكل ما اتاه خطاب قال رح للبنت وأمها إذا وافقتا إجني ازوحك فضاقت البنت من بعض الخطاب اللذين يأ تون لها وما هم بكفو لها ولم يحسم عمها

الأمر معهم قبل إن يأتوها لأن البيت إذا زاره كفو ثم كفو ثم كفو صار منصى طيب وخجل الخبلان والرديان على أنفسهم

ولم يتجروْ بتقديم أنفسهم بعد من هو أكفا منهم فأرسلت لعمها هذه الأبيات

سلم على عمي إشفاقه *** اللاش لا يرسله يمي
حلفت أنا ما آخذ العاقــــه *** لو أجلس العمر عند أمي